E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

E dënuar për marrëdhënie seksuale me dhunë, arrestohet 30-vjeçarja në Lushnjë

17 Nëntor 2023, 11:48, Kronika CNA

E dënuar për marrëdhënie seksuale me dhunë, arrestohet

Foto ilustruese

Një 30-vjeçare e dënuar me 3 vjet e 4 muaj burgim, për veprën penale “Marrëdhënie seksuale me dhunë, me të rritura”, e shpallur në kërkim, është arrestuar nga policia.

B.F. është arrestuar pasi Gjykata e Apelit e kishte dënuar me 3 vjet e 4 muaj burgim, për veprën penale “Marrëdhënie seksuale me dhunë, me të rritura”.

E arrestuara është implikuar në një rast të kësaj veprimtarie kriminale, ndaj një 26-vjeçareje. Nga hetimet ka rezultuar se në ngjarje ishte implikuar edhe bashkëshorti i B.F., i cili është arrestuar një ditë më pas dhe aktualisht vuan dënim me burgim për këtë çështje.

Në njoftimin e policisë sqarohet se kjo ngjarje është zbardhur dhe se 30-vjeçarja është vënë nën arrest.

“Vijon operacioni policor kombëtar i koduar “Sundimi i ligjit” që ka si qëllim kapjen e shtetasve të shpallur në kërkim dhe të atyre që posedojnë armë zjarri, pa leje. E dënuar me 3 vjet e 4 muaj burgim, për veprën penale “Marrëdhënie seksuale me dhunë, me të rritura”, ndalohet 30-vjeçarja e shpallur në kërkim.

Si rezultat i kontrolleve të mbështetura te informacionet e siguruara nga inteligjenca policore dhe të kryera në vijim të operacionit policor kombëtar të koduar “Sundimi i ligjit”, specialistët për Hetimin e Krimeve të Komisariatit të Policisë Lushnjë, në bashkëpunim me shërbimet e Komisariatit të Policisë Durrës, lokalizuan, kapën dhe ndaluan shtetasen e shpallur në kërkim B.F, 30 vjeçe, banuese në Lushnjë.

Gjykata e Apelit e ka dënuar 30-vjeçaren, me 3 vjet e 4 muaj burgim, për veprën penale “Marrëdhënie seksuale me dhunë, me të rritura”. Kjo shtetase është implikuar në një rast të kësaj veprimtarie kriminale, ndaj një 26-vjeçareje, të kryer më datë 03.12.2020, nga bashkëshorti i shtetases B.F, i cili është arrestuar një ditë më pas dhe aktualisht vuan dënim me burgim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lushnjë, për veprime të mëtejshme.” – thuhet në njoftim./CNA