web counter
LEXO PA REKLAMA!

SHKARKO APP

App Store
Google Play

E fundit!

x

Lëviznin drogën në Shqipëri, Itali dhe Gjermani/ Grupi kriminal përdorte sistemin e mesazheve “Matrix”

17 Nëntor 2023, 10:32, Kronika CNA
Lëviznin drogën në Shqipëri, Itali dhe Gjermani/ Grupi
Foto ilustruese

Mediat italiane kanë zbuluar detaje nga megaoperacioni antidrogë ku u lëshuan 19 urdhër-arreste, mes tyre 18 shqiptarë dhe 1 shtetas italian, të cilët kanë tentuar të trafikonin 420 kilogramë drogë.

Korrierët lëviznin drogën në vende të ndryshme të Italisë, por edhe në Shqipëri dhe Gjermani.

Mediat italiane bëjnë me dije se grupi kriminal shqiptar ishte ekspert në fushën e drogës.

Për të mos u përgjuar ata përdornin sistemin e mesazheve Matrix pasi “çelësat” e enkriptimit të këtij sistemi komunikimi nuk lejonin përgjimin e bisedave ndërmjet përdoruesve të pajisur me kode specifike për kontaktet e mundshme.

Përmes mesazheve “Matrix”, grupi kriminal ka mundur të menaxhojë edhe porositë e marra nga klientët në jug të Italisë në Pulia, Kalabri dhe Lacio.

“U identifikuan korrierë të shumtë që transportonin para të gatshme dhe drogë në itinerarin ndërmjet Italisë, Shqipërisë dhe Gjermanisë. Pas lëvizjes së tyre, u zbuluan dy vende ku magazinohej substanca dhe përgatitej për shitje.

Bëhet fjalë për dy vende në provincën e Venecias në Eraclea dhe Musile di Piave.

Grupi kriminal shqiptar ishte ekspert në fushën e trafikut të drogës, ku rezultoi se anëtarët individualë përdornin celularë të koduar me origjinë shqiptare, të pajisur me sistemin e mesazheve të çastit 'Matrix' dhe që kujdeseshin për logjistikën dhe lëvizjen e sasive të mëdha të drogës.

'Çelësat' e enkriptimit të këtij sistemi komunikimi nuk lejonin përgjimin e bisedave ndërmjet përdoruesve të pajisur me kode specifike për kontaktet e mundshme.

Pikërisht përmes mesazheve 'Matrix', grupi kriminal ka mundur të menaxhojë edhe porositë e marra nga klientët në jug të Italisë në Pulia, Kalabri dhe Lacio”, shkruajnë mediat italiane./ CNA

 





Lajmet e fundit nga