web counter
LEXO PA REKLAMA!

SHKARKO APP

App Store
Google Play

“Mediat i kontrollojnë pesë familje”/ Andi Bushati flet hapur: Abuzojnë me të dobëtit

8 Dhjetor 2023, 10:21, Aktualitet CNA
“Mediat i kontrollojnë pesë familje”/ Andi Bushati flet
Andi Bushati

Sipas Andi Bushatit mediat i kontrollojnë 5 familje. Në një intervistë, Bushati foli për mënyrën si funksionon media në Shqipëri dhe tha se çdo media i përshtatet lexuesit të vet dhe kjo nuk duhet bërë, por ajo që është më problematike, sipas tij, është që kemi media të kontrolluara.

"E para, ju thoni se media që unë drejtoj, duke iu referuar 'Lapsi.al', që nuk e ka trajtuar në mënyrë spekulative. Unë kam pasur të kundërtën si kritikë, boll se na çmendët me këtë vrasjen e Kosovës. Çdo media nuk duhet ta bëjë, por i përshtatet lexuesit të vet. Këtu mund të gjeja një justifikim për të gjithë kolegët. Por, po të shkojmë te thelbi i problemit, nuk është të akuzojmë mediat për këtë. A abuzon media jonë me një miliarder dhe njeri të fuqishëm? A hyn kaq thellë në jetën private të një pushtetari të lartë?  Çfarë tregon kjo? Që kemi media të papërgjegjshme? Apo që ka degraduar nga kontrolli dhe shfryn dufin aty ku nuk janë të kontrolluara? Problemi është që ne kemi media të kontrolluara, për të mos folur për problemet reale të shoqërisë. Kur një tenxhereje me presion i vendos një kapak, diku do të shpërthejë. Ky është një episod anësor, që tregon se si lëngojnë mediat”, tha ai.

Ai nuk ngurroi të jepte edhe emrat që sipas tij janë 5 familjet që kontrollojnë median.

“Ne kemi një peizazh të medias, që drejtohen nga 5 familje, Aleksandër Frangaj, Vjollca Hoxha, Ifran Hysenbelliu, etj. Interesat e tyre nuk lejojnë gazetarët të jenë të papërgjegjshëm me pushtetarët, njerëzit që japin reklamë etj. Prandaj papërgjegjshmëria shpërthen vetëm në episode anësore. Nëse duam të flasim për 'kancerin' që ka prekur mediat tona, ky është një episod shumë anësor. Jam dakord që këtu kemi një spektakolarizim të informacionit me qëllime të caktuara. Por, rasti konkret që po flasim, i përket një tjetër dukurie që njihet si thirrja e instinkteve më të ulëta, për popullaritet, vëmendje, klikime, etj. Është e njohur në të gjithaa teoritë e gazetarisë, trekëndëshi i famshëm 'seks, gjak dhe para'. Pra, për këto publiku i ka receptorët të zhvilluar”, tha ai.

Ai bëri një krahasim midis mediave shqiptare dhe atyre britanike ku tha se në mediat shqiptare merren me të dobëtit në ndryshim nga të huajat.

“Ku është e keqja jonë edhe në raport me mediat perëndimore, që kanë këtë linjë abuzimi? Po të futeni në 'Netflix', është seria e fundit e filmit për Mbretërinë e Bashkuar. Është episodi i Dianës, se çfarë i bëri media dhe shtypi rozë, Princeshës Diana. Kudo ka media që abuzojnë me këto instinkte të ulëta. Por, mediat britanike abuzuan me Dianën. Këtu abuzojnë me të pafuqishmit, me të dobëtit. Mediat në Itali shndërruan në çështje të madhe bashkëjetuesin e kryeministres Meloni. Mund të hante diskutim se sa rozë u bë, por u morën me bashkëshortin e kryeministres. Ne po themi se po rivrasim Liridonën. Ky është problemi i madh, mediat janë të tredhura si pasojë e pushtetit të pronarëve dhe pushtetit politik, nuk kanë guxim, edhe kur abuzojnë, të merren me atë që do t'i interesonte publikut, por viktimë bëjnë të dobëtin", tha Bushati./ CNA





Lajmet e fundit nga