web counter
LEXO PA REKLAMA!

SHKARKO APP

App Store
Google Play

Arrestohet 61-vjeçari në Vlorë/ Lidhja me një ngjarje të mundshme kriminale

8 Dhjetor 2023, 09:59, Aktualitet CNA
Arrestohet 61-vjeçari në Vlorë/ Lidhja me një ngjarje
Momenti i arrestimit

Policia e Vlorës ka goditur një rast në fushën e armëmbajtjes pa leje.

Falë operacionit policor të koduar "Strike 4", u kap një 61-vjeçar që kishte fshehur në magazinën e tij, 1 armë zjarri pistoletë, municion luftarak dhe 1 armë të ftohtë (thikë).

I arrestuari është shtetasi V. A., 61 vjeç, banues në lagjen “Left Sallata”.

Arma e zjarrit dhe municioni luftarak, së bashku me mjetin prerës thikë, u sekuestruan në cilësinë e provës materiale.

Nga verifikimet ka rezultuar se 61-vjeçari është babai i njërit prej shtetasve të arrestuar më parë nga Policia e Vlorës, në kuadër të operacionit policor të koduar “Obelisk”, si rezultat i të cilit u parandalua një ngjarje e mundshme kriminale kundër personit, e cila do të kryhej me armë zjarri.

Vijojnë veprimet hetimore për dokumentimin e plotë të veprimtarive kriminale të shtetasit V. A.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./CNA





Lajmet e fundit nga