Balluku jep lajmin/ Zbulon planin për 2024, transporti i pakove të postës do bëhet me dron

7 Dhjetor 2023, 19:55, Aktualitet CNA

Balluku jep lajmin/ Zbulon planin për 2024, transporti i pakove të

Zëvendëskryeministrja Belinda Balluku, në 111 vjetorin e krijimit të Postës Shqiptare ka bërë me dije se duke nisur nga viti 2024 do të fillojnë të prodhojnë dhe të krijojnë një projekt të ri, ku pakot e postës do të transportohen me dron.

Sipas Ballukut, e gjitha kjo do të na japë efiçiencë në kohë, efiçiencë financiare dhe mbi të gjitha edhe ulje të emetimeve të karbonit që është edhe kjo një nga synimet e Republikës së Shqipërisë për shkak të të gjitha angazhimeve që janë marrë për axhendën e gjelbër europiane, por edhe atë ndërkombëtare që sa më pak mjete transporti të përdoren dhe sa më shumë të përdoret inovacioni, siç është rasti i dronëve, do të arrihen targetet.

“Nga ana tjetër, çfarë është më e rëndësishme dhe që ne duhet ta përmendim këtu sot është që ne planifikojmë që në vazhdim, duke nisur nga viti 2024, të fillojmë të prodhojmë dhe të kemi një projekt të ri, i cili do të ngjajë prapë pak futurist, ashtu siç u komentuan satelitët që sot funksionojnë më së miri dhe na japin të dhëna të jashtëzakonshme për proceset e ndryshme administrative që ne kemi, dhe bëhet fjalë për transportin me dron.

Transporti me dron, i cili do të marrë nga qendrat e ndryshme kudo në Shqipëri, nga qendrat postare do të marrë pakot postare për t’i transportuar ato diku në një vend tjetër. E gjitha kjo do të na japë efiçiencë në kohë, efiçiencë financiare dhe mbi të gjitha edhe ulje të emetimeve të karbonit që është edhe kjo një nga synimet e Republikës së Shqipërisë për shkak të të gjitha angazhimeve që ne kemi marrë për axhendën e gjelbër europiane, por edhe atë ndërkombëtare që sa më pak mjete transporti të përdoren dhe sa më shumë të përdoret inovacioni, siç është rasti i dronëve, ne do të arrijmë targetet tona.

Dhe dua t’ju them që inovacioni, duket i vështirë momentalisht, por është i mirë dhe nuk vë askënd në risk dhe ndryshimi perceptohet nganjëherë si një hap shumë i vështirë, por çka përfitojnë qytetarët tanë është me të vërtetë një vlerë shumë e madhe, kështu që të gjithë së bashku duhet të bëhemi pjesë e këtij ndryshimi inovativ që kërkohet nga Posta Shqiptare, që e kërkon sot tregu shqiptar, por dhe ai ndërkombëtar.

Edhe një herë, zoti Ëisner ishte kënaqësi e madhe që të ishim këtu sot të shikonim bashkë të gjithë historinë shqiptare përmes filatelisë dhe padyshim të kremtonim edhe një herë marrëdhënien 100 vjeçare midis dy vendeve tona", tha Balluku./ CNA

Shumë faleminderit të gjithëve dhe me të vërtetë duhet të vini të gjithë që ta vizitoni këtë kënd të vogël, por shumë të vlefshëm për historinë e filatelisë shqiptare”, është shprehur Balluku.