web counter
LEXO PA REKLAMA!

SHKARKO APP

App Store
Google Play

E fundit!

x

Sot Kongresi i Partisë Socialiste/ Çfarë pritet të ndodhë?

8 Dhjetor 2023, 07:31, Aktualitet CNA
Sot Kongresi i Partisë Socialiste/ Çfarë pritet të
Kryeministri Edi Rama

Këtë të premte, 8 dhjetor 2023, Partia Socialiste do të mbajë Kongresin Kombëtar të Partisë Socialiste.

Figurat më të rëndësishme të Partisë Socialiste do të mbajnë fjalën e tyre në këtë Kongres.

Disa herë është përfolur se në Kongres, kreu i PS-së, Edi Rama, do të njoftojë për ndryshime qeveritare, por një gjë e tillë u mohua nga Rama në një intervistë të dhënë dy ditë më parë.

Sekretari i Partisë Socialiste, Blendi Klosi, është shprehur se do të jetë një Kongres i jashtëzakonshëm.

“Është Kongres i jashtëzakonshëm për situatën në të cilën ndodhemi dhe për të përgatitur veten tonë për të fituar zgjedhjet e 2025. Ne jemi për të fituar, jemi një forcë e madhe politike, kemi përgjegjësi dhe jemi një shkollë politike. Nëse duan që të kuptojnë si bëhet politika, të shohin PS si organizohet, si qëndron në garë”, tha Klosi.

Ndërsa kreu i Grupit Parlamentar të Partisë Socialiste, Bledi Çuçi, tha se e jashtëzakonshme është se nuk është as zgjedhor dhe as sipas rutinës.

“E jashtëzakonshme është se nuk është as zgjedhor dhe as sipas rutinës. Është një kongres për të bërë një përmbledhje, për të reflektuar mbi gjërat që duhet të bëjmë më mirë dhe për të përcaktuar vizionin tonë për Shqipërinë e vitit 2030″, u shpreh Çuçi.

Sipas agjendës të bërë publike, punimet e kongresit nisin në orën 11:45 dhe do të jenë të ndara në 6 panele: Reforma në Drejtësi dhe lufta kundër korrupsionit, prioritetet zhvillimore, qeverisja vendore, Siguria dhe Shqipëria në botë, si dhe Partia Socialiste 2030./ CNA

Sot Kongresi i Partisë Socialiste/ Çfarë pritet të





Lajmet e fundit nga