E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

“Ligjet” zgjasin mandatin e kryetarit të ASH-së/ Fuga: Vendimi, në shkelje të Kushtetutës

19 Qershor 2023, 22:05, Aktualitet CNA

“Ligjet” zgjasin mandatin e kryetarit të ASH-së/ Fuga:

Akademiku Artan Fuga ka reaguar ashpër për vendimin e Komisionit të Ligjeve për të miratuar projektligjin që zgjat mandatin e Kryetarit të Akademisë së Shkencave.

Me anë të një statusi në rrjetet sociale, Fuga deklaron se vendim është në kundërshtim me ligjin në fuqi, ndërsa pretendon se Komisioni i Ligjeve nuk ka marrë asnjë ekspertizë dhe nuk ka thirrur asnjë palë të interesuar.

Ai zotohet të vërtetojë se projektligji i miratuar shkel 15 ligje në fuqi dhe 4 platforme ligjore, duke përfshirë edhe Kushtetutën e Shqipërisë.

Deklarata e plotë:

Sot Komisioni i Ligjeve i Kuvendit të Shqipërisë, pa marrë asnjë ekspertizë, pa thirrur asnjë palë të interesuar, miratoi projektligjin e Petro Koçit për zgjatjen e mandatit të Kryetarit të Akademisë së Shkencave në kundërshtim me ligjin në fuqi.

Unë njoftoj publikisht zonjën Lindita Nikolla, kryetare e Kuvendit, kryetaren e komisionit të ligjeve, kryeministrin Rama, deputetët, se unë vërtetoj se ai projektligj shkel me dy këmbët 15 ligje në fuqi, shkel 4 platforme ligjore, duke përfshirë edhe Kushtetutën e Shqiperisë.

Unë si qytetar vullnetarisht vihem në dispozicion të Kuvendit të Shqipërisë për ta vërtetuar këtë gjë!

Nuk është më çështja e kryetarit të Akademisë së Shkencave, kjo është një vogëlsirë, por çështja është a ka aftësi dhe vullnet komisioni i ligjeve të respektojë ligjet!

Pyetja që po shtrohet është : A jemi më një shoqëri që vepron në bazë të ligjeve? Situata që shoh është e frikshme!

Kalimthi, para se të bëj të njohur publikisht se ku shkelen rëndë ligjet, kujtoj :

Ka shoqëri ku ligji bëhet me vullnet të përgjithshem dhe nuk zbatohen. Kjo quhet anarki.

Ka shoqëri ku ligjet bëhen mbi bazën e vullnetit të përgjithshëm dhe zbatohen. Kjo quhet demokraci.

Ka shoqëri që ligjin e bëjnë pak veta, kundër popullit, por e zbatojnë. Kjo quhet diktaturë.

Ka shoqëri ku ligjin e bëjnë pakicat, por as ligjin që bëjnë vetë nuk e zbatojnë. Kjo quhet tirani.

A po shkojmë në tirani?/ CNA.al