web counter
LEXO PA REKLAMA!

SHKARKO APP

App Store
Google Play

E fundit!

x

Sazan Guri konfirmon rrëfimin për CNA/ Njohja me Alma K. dhe libri që fliste për qentë

19 Qershor 2023, 21:38, Aktualitet CNA
Sazan Guri konfirmon rrëfimin për CNA/ Njohja me Alma K. dhe libri
Profesori dhe ambientalisti, Sazan Guri

Profesori dhe ambientalisti, Sazan Guri, ka konfirmuar mbrëmjen e sotme rrëfimin që bëri për CNA, në lidhje me shtetasen Alma K., e cila është përfshirë në skandalin me Safet Gjicin.

Ashtu siç edhe deklaroi për CNA, Guri tregon me anë të një statusi në rrjetet sociale se si Alma K. i ka shkuar në zyrë dhe i ka kërkuar ndihmë për një projekt për mbrojtjen e kafshëve.

Ambientalisti thotë se vajzës në videon e Gjicit i kishte dhuruar librin “Psikologjia e qenit”, që jepte ide bashkëpunimi për trajtimin e qenve të rrugës, libër që më pas ajo e ka kthyer në projekt dhe ka shkuar te Safet Gjici.

Deklarata e plotë:

Kaq here e kam thënë se jam për çfarë përballoj dhe jo për çfarë bëj!

Të shperndash ide sesi mbrohen të pambrojturit, qofshin njerëz për rastet ujë, hec-e, lumenj, qofshin edhe kafshë, ku me anë të këtij libri ndodhet edhe një kapitull, sesi Bashkitë duhen të trajtojnë kafshët e gjora dhe të keqpërmendësh, sikur jam pjesë e krimit, tmerr!

Po në zyrën time që ndaj me gruan, kujdes me zonjën time kolege njëherësh, dhe punonjësa, kush është ai që ka ardhur për ndihmë dhe nuk e ka gjetur pritjen e ngrohtë dhe zgjidhjen e duhur duke i dhuruar dhe foton e kërkuar, me parimin se: Nuk di, nuk dua dhe nuk mund - nuk i njoh.

Po le të dalë një person kushdo qoftë që nuk është pritur në Zyrë si Zotni dhe si Zonjë, ku tavolina nuk rri kurrë pa t'ambla, pa fruta e pa një pikëz pije që kujtoj pritjen e prindërve të mi në shtëpi.

Po unë kam foto me mijëra studentë dhe njerëz të ndryshëm për kauzat e betejat që marr pjesë dhe normal që në këtë mori do dali edhe ndonjë dru i shtermbër, atëherë unë jam po dru i shtrembër?!

Ore mblidhni veten o njerëz, dhe mësoheni fort - Sesa ndotet oqeani me baltë, aq dikush nga ju që prisni rastin, të më ndosni mua. Kurrë s'kam për t'ja u dhënë këtë kënaqësi'!

Asaj vajzës nuk i kam dhënë projekt, por libër që ka mënyrë të thëni (shiko fotot poshtë) sesi të menaxhohet jeta e kafshëve endacake që kam pregatitur me kërkesë të z.Shalsi nënkryetar Bashkie diku në 2009 dhe e kam futur në libër që ja kam falur vajzës. Si ajo, kujtdo edhe qindra të tjerëve, sdm kur merreshin me kafshët. Kaq e thjeshtë.

Kurrë s'jam marrë me projekte për kafshët, me mijëra herë e kam deklaruara në TV ose në takim me Kryetar Bashkie që kam vajtur për kësi qëllimesh. Plot herë më janë drejtuar këta Kryetarë se c'mund të bëjmë me strehim e sterilizim të tyre dhe jam përgjigjur se nuk merrem, por me doktrinë sesi ata mbrohen po.

Kurrë s'kam vajtur në Kukës apo kudo për kësi gjerash tip projekte personale, por sesi Bashkia të gjejë mekanizma për t'i trajtuar ato, po me shpenzat e mia dhe me makina të rastit që të kurseja shpenzat personale si për në gjyqin e Pogradecit, kur askush nga kafshë dashësit nuk erdhi, dhe për cfarë? Për të denoncuar raste të Bashkive, pse sillen kësisoj me kafshët?

Le ta thojë si vajza dhe ish Kryetari Kukës, apo Kryetari aktual Pogradec, apo ai i Elbasanit që më ka ardhur Sazan Guri për projekte, por kurrë, sepse merrem me doktrinën sesi një qytetar i ndricuar të mbroj Qeniet e ulta, sepse tregon dinjitet të një Shteti, të një Populli dhe të një Kombi.

Dhe këtë mirësi e luftë me plot përpjekje, jo vetëm për kafshët dikush don të më barazojë, të më ulë përpjekjet për mbrojtjen e gjithçkaje, dhe për cfarë, se mos po më prishet prona ime, se po e bëj sepse i shërbej dikujt, marr dicka, kurrë! Ndaj e kam zgjedhur vetë kauzën e mbrojtjes si avokat mjedisor dhe ekspert pa një kafe,  për mbrojtjen e të pambrojturve, qofshin kafshë pa gojë apo njerëz me gojë, përfshi edhe ata gojë corap.

Le të dalë një antar komuniteti si Hec Dibër, Burim uji Lumas, Kucovë, Hec Tozhaj Berat, Laknas Tiranë, Laprakë, Pezë, Vlorë, Vjosë, Lengaricë, Piskovë Përmet për plehëra, dhe të pohoj se prof. Sazani na ka mbrojtur, duke na kërkuar diçka, por kurrë, dhe kurrë mos e shkoni ndërment të më ndalni hovin e sinqertë për kësi punërash!

Po mirë more ju të uruar e të mallkuar që mendoni kësisoj, nëse do merresha me projekte për Qentë, a nuk kam kauza pa fund që ngre për vlera komunitare! A kini dëgjuar të mos i jem gjendur dikujt me njohuritë e mia që e urrej atë që i mban nën sirtar ato dhe nuk i shpërndan si detyrë intelektuali për të mirën e kombit - Kjo është deviza ime!/ CNA.al





Lajmet e fundit nga