LEXO PA REKLAMA!

SHKARKO APP

Lidhjet e Bashës me projektin e Portit të Durrësit/ Denoncimi i radhës

24 Nëntor 2022, 12:19, Aktualitet CNA

Lidhjet e Bashës me projektin e Portit të Durrësit/ Denoncimi i

Kreu i PD-së, Sali Berisha, ka risjellë në vëmendje marrëveshjen e 17 majit, mes kryeministrit Edi Rama dhe ish-kreut të PD-së, Lulzim Basha.

Sipas tij, klani Rama dhe klani Basha, janë të faktuar.

Berisha këmbëngul se Basha është pjesë në aferën e Portit të Durrësit.

Me të dhëna të përgjithshme, pa detaje dhe emra, jashtë sallës së Kuvendit, Berisha ka akuzuar sërish Lulzim Bashën se është i lidhur bashkë në marrëveshjen mafioze të Portit të Durrësit.

“Ai që ishte, se ka njerëz që më thonë pse e thua, se e them për të vërtetën, se ai ishte administrator i Simfonisë, ishte administrator edhe i Ramës, edhe i Bashës.

Mos të kujtojë kush se po bëj akuzë politike, por po them të vërtetën e hidhur.

Ky njeri tha se dha dorëheqjen nga ndërmarrja e Bashës dhe jo nga Simfonia.

Por pas një muaji rezultoi se ishte sërish te të dyja. Pra, kjo ishte pika e mjaltit.

Kjo do ishte e tmerrshme, opozita e blerë me marrëveshjen mafioze të Portit të Durrësit”, ka thënë Berisha./CNA.al

Lajmet e fundit nga