LEXO PA REKLAMA!

SHKARKO APP

Berisha-deputetëve/ “Thirrini ndërgjegjes, rrëzojeni marrëveshjen për Portin e Durrësit”

24 Nëntor 2022, 10:27, Aktualitet CNA

Berisha-deputetëve/ “Thirrini ndërgjegjes, rrëzojeni

Nga foltorja e Kuvendit, kreu i PD-së, Sali Berisha, u ka bërë thirrje deputetëve që të mos e votojnë Ligjin për Portin e Durrësit.

“12.600 apartamente, 900 njësi akomodomi hoteliere. Do mblidhen këtu mamuthët e Shqipërisë dhe Lindjes së Mesme. Do kenë edhe jahtet përkarshi.

Kurse shqiptarët popull gomonesh, do jenë shërbëtorë ose do largohen në Europë.

Porti i ri kushton 2 miliardë euro. Nga do dalin këto 2 miliardë euro? Nga taksapaguesit e varfër shqiptarë.

Thërrisni arsyes nëse keni ndërgjegje njerëzore. Hidheni poshtë këtë marrëveshje.

Mos u përpiqni ta mbuloni duke shkurtuar kohën e diskutimit. Marrëveshja shkel MSA-në, Kushtetutën dhe ligjet e vendit”, është shprehur Berisha.

Sipas tij, marrëveshja nuk respekton asnjë rregull e asnjë ligj dhe Edi Ramës i është dhënë garanci që asnjë qeveri të mos mund ta padisë mbrapa.

"Edi Rama, i bindur të jesh se te porti i marinës do përfundosh vetë", ka thënë Berisha./CNA.al

Lajmet e fundit nga