web counter
LEXO PA REKLAMA!

SHKARKO APP

App Store
Google Play

E-mailet rëndojnë gjendjen e Alqi Bllakos/ SPAK-u kërkon një tjetër masë sigurie për ish-deputetin

23 Nëntor 2022, 12:13, Aktualitet CNA
E-mailet rëndojnë gjendjen e Alqi Bllakos/ SPAK-u kërkon një
Foto ilustruese

Prokuroria e Posaçme ka kërkuar një masë të dytë sigurie për ish-deputetin Alqi Bllako. Sipas burimeve, SPAK-u i është drejtuar gjykatës me kërkesë për një masë sigurie ndaj Bllakos, 2 javë më parë, por gjykata e ka refuzuar kërkesën, shkruan "Abc news".

SPAK-u e ka ankimuar këtë vendim, duke iu drejtuar Apelit të Posaçëm për miratimin e kësaj kërkese dhe caktimin e ‘arrestit me burg’ ndaj Bllakos, për akuzën e korrupsionit. Shqyrtimi i kësaj kërkese është shtyrë për nesër dhe Apeli do dalë me një vendim nëse do miratojë kërkesën e SPAK-ut për një masë më të butë sigurie apo jo ndaj Bllakos.

Hetimet e SPAK-ut për inceneratorin e Elbasanit kanë rënduar pozitat e ish-deputetit Alqi Bllako, ku përveç akuzës së ‘shpërdorimit të detyrës’, kryer në bashkëpunim, Prokuroria e Posaçme ka ngritur ndaj tij edhe akuzën e ‘korrupsionit’. Pas sekuestrimit të kompjuterit të ish-deputetit pas marrjes së tij si i pandehur, janë gjendur prova që e implikojnë atë në korrupsion të zyrtarëve të lartë.





Lajmet e fundit nga