LEXO PA REKLAMA!

SHKARKO APP

131 parti politike, 50% e tyre pa adresë/ Nuk dorëzojnë pasqyra financiare në KQZ

23 Nëntor 2022, 10:40, Aktualitet CNA

131 parti politike, 50% e tyre pa adresë/ Nuk dorëzojnë pasqyra

Finanacimi i partive politike ka qenë tema e trajtuar nga Komisioni Qendror i Zgjedhjeve.

Nga 131 parti politike që janë të regjistruara në Shqipëri, 50 për qind e tyre nuk i deklarojnë financimet.

Drejtuesja e sektorit financiar në KQZ, Valbona Ballgjini ka thënë se rezulton që prej shumë vitesh nuk kanë aktivitet financiar dhe nuk dorëzojnë pasqyra financiare në institucionin që organizion zgjedhjet.

131 parti politike, 50% e tyre pa adresë/ Nuk dorëzojnë pasqyra

 “KQZ informohet nga gjykata sa parti politike ka në Shqipëri. Duhet që regjistrimi i pasqyrave financiare të bëhet brenda 31 vitit të vitit pasardhës.

Ne marrim një listë të partive politike dhe të gjitha partitë duhet të dorëzojnë raportet financiare. Rezultojnë 131 parti të regjistruara dhe më shumë se 50% i mungojnë adresat e sakta, emrat e kryetarëve dhe rezulton që prej shumë vitesh nuk kanë aktivitet financiar dhe nuk dorëzojnë pasqyra financiare. KQZ është e detyruar të përzgjedhë audites. Ndërsa ata thonë se nuk i gjejnë në adresat e vëna në dispozicion dhe kështu kemi detyrim të papërmbushur. Kjo sjell pasojë dhe pakënaqësi në lidhje me pagesat.

Ligji detyron KQZ të auditojë partitë politike dhe detyron këto të fundit të paguajnë audituesit e përzgjedhur. Përpiqen të gjejnë adresa, por është e pamundur”, tha Ballgjini./CNA.al

Lajmet e fundit nga