web counter
LEXO PA REKLAMA!

SHKARKO APP

App Store
Google Play

E fundit!

x

Liderët e BE-së do të zbarkojnë në Tiranë/ Sa do t’i kushtojë Shqipërisë Samiti i 6 dhjetorit

23 Nëntor 2022, 17:38, Aktualitet CNA
Liderët e BE-së do të zbarkojnë në Tiranë/ Sa do
Foto ilustruese

Këshilli i Ministrave ka miratuar në mbledhjen e sotme fondin për përballimin e shpenzimeve të organizimit të “Samitit Bashkimi Europian-Ballkani Perëndimor”, që do të mbahet më 6 dhjetor në Tiranë.

Mësohet se për mbajtjen e këtij samiti është miratuar fondi prej 50 milionë lekësh.

Këto shpenzime do të përballohen nga fondi rezervë i Buxhetit të Shtetit për vitin 2022.

“Vendim për një shtesë fondi në Buxhetin e vitit 2022, miratuar për Drejtorinë e Shërbimeve Qeveritare, për përballimin e shpenzimeve të organizimit të “Samitit BE-BP”, të datës 6 dhjetor 2022.

Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë, të ndryshuar, dhe të ligjit nr.115/2021, “Për buxhetin e vitit 2022”, të ndryshuar, me propozimin e ministrit të Financave dhe Ekonomisë, Këshilli i Ministrave

VENDOSI:

1. Drejtorisë së Shërbimeve Qeveritare, në buxhetin e miratuar për vitin 2022, i shtohet fondi prej 50 000 000 (pesëdhjetë milionë) lekësh, për përballimin e shpenzimeve të organizimit të “Samitit të BE-BP”, që do të organizohet në Tiranë, në datën 6 dhjetor 2022.

2. Efekti financiar, prej 50 000 000 (pesëdhjetë milionë) lekësh, të përballohet nga fondi rezervë i buxhetit të shtetit, i miratuar për vitin 2022.

3. Ngarkohen Ministria e Financave dhe Ekonomisë dhe Drejtoria e Shërbimeve Qeveritare për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.”, thuhet në VKM./ B.A. – CNA.al





Lajmet e fundit nga