web counter
LEXO PA REKLAMA!

SHKARKO APP

App Store
Google Play

Kushi, thirrje studentëve/ “Aplikoni për bursat, të barasvlefshme me pagën minimale“

23 Nëntor 2022, 13:24, Aktualitet CNA
Kushi, thirrje studentëve/ “Aplikoni për bursat, të
Ministrja Evis Kushi

Pas përfundimit të mbledhjes së qeverisë, ministrja Evis Kushi u ka bërë thirrje studentëve që të aplikojnë për bursa studimi.

Ajo shpjegoi edhe tri kategoritë që përfitojnë, ata me mesatare 10, ata që kanë marrë një nga tri çmimet në olimpiada dhe studentët që kanë zgjedhur degët prioritare dhe që e kanë mesatare mbi 8.5.

“U bëj thirrje studentëve që të aplikojnë për bursa studimi. Është fjala për bursat e studimit që janë të barasvlershme me pagën minimale dhe janë parashikuar për ata studentë që plotësojnë 3 kritere kryesore. Studentët që kanë mbaruar me të gjitha 10 dhe kanë marrë minimumi 9.5 në provimet e maturës, në secilin prej provimeve. Përfitojnë ata që pavarësisht mesatares kanë marrë një nga tri çmimet e para në olimpiadat ndërkombëtare.

Po kështu ajo që është më e rëndësishme ata studentë që kanë zgjedhur të studiojnë në programet prioritare dhe me mesatare mbi 8.5. Pra ata që janë regjistruar për programet e mësuesisë, bujqësisë apo edhe turizmit. Do t'i ftoja studentët të përfitojnë këto bursa dhe përjashtim nga tarifat.

Thirrja është e hapur deri në fund të janarit. Deri në 15 janar studentët marrin numrin e matrikullimit”, deklaroi Kushi./ CNA.al





Lajmet e fundit nga