E fundit!

12:57 Aktualitet

“F*ck you”/ PDE "shuplakë" Ramës: Sheshi duhet dëgjuar, jo fyer

Partia Demokratike Europiane ka reaguar pas intervistës së...

Krishti u ngjall/ Fortlumturia e Tij, Joani mesazhe paqe dhe dashurie: Ngjallja dëshmon se dashuria është më e fortë se vdekja

12 Prill 2026, 00:07, Aktualitet CNA

Krishti u ngjall/ Fortlumturia e Tij, Joani mesazhe paqe dhe dashurie: Ngjallja

Kryepiskopi i Tiranës, Durrësit dhe gjithë Shqipërisë, Fortlumturia e tij Joani ka udhëhequr meshën solemne të mesnatës së Pashkës së Madhe.

Fortlumturia e Tij në fjalën e mbajtur dha mesazhe të forta për paqen dhe dashurinë, duke u ndalur te fjalët e para të Krishtit të ringjallur për paqe. Kryepiskopi joan tha se paqja e Krishtit është prania e Perëndisë. Ngjallja e Krishtit, tha Fortlumturia e Tij, dëshmon se dashuria është më e fortë se vdekja.

Në fjalën e mbajtur, Kryepiskopi Joan u shpreh se në epokën e sotme njëriu ndjek të mirat materiale, por ndihet më i vetmuar se kurrë.

E ai që ka Krishtin në zemër, Fortlumturia e Tij, tha se nuk i mungon asgjë.

“Fjalët e para që tha Krishti i ngjallur. Hyri në dhomën ku nxënësit ishin mbyllur nga frika dhe u dha paqen e e Perëndisë që kapërcen çdo mendje.

Pasiguria mbizotrëron kudo dhe Krishti i ringjallur thotë paqe kudo. Paqja e Krishtit është prania e Perëndisë.

Në kryq, atje ku ligësia mendoi se triumfoi, Krishti nuk mendoi hakmarrje, ai thirri: O Atë fali se nuk dinë se ç’bëjnë. Ngjallja dëshmon se dashuria është më e fortë se vdekja. Krishti i ngjallur erdhi të shpëtojë kryqëzuesit e tij dhe kjo është fitorja më e madhe.

Jetojmë në një epokë ku njeriu ndjek pa pushim të mirat materiale, statusin dhe ndihet më i vetmuar se kurrë.

Ngjallja na zbulon një të vërtetë të madhe, kush ka Krishtin në zemrën e tij nuk i mungon asgjë. Vetëm te ai mund të gjejmë paqe sepse ai është paqja jonë. Kisha jonë Orthodhokse kaloi Golgothanë e saj, e megjithatë u ngjall, besimi lulëzoi nga rrënojët. Nuk ishte arritje njerëzore, ishte fuqia e Krishtit të ngallur që vepron nëpërmjet veprimeve të tij.

Nga ngjallja e Krishtit vjen paqja e Perëndisë. Ngjallja është një thirrje personale për gjtihësecilin nga ne, le ti përgjigjemi kësaj thirrje”, tha Fortlumturia e Tij./CNA