E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

"Kërkoj votën për të ringritur PD-në në Gjirokastër"/ Kush është gazetari që kandidon për kryetar dege

11 Prill 2026, 14:37, Aktualitet CNA

"Kërkoj votën për të ringritur PD-në në

Gazetari Armand Rabi ka njoftuar kandidaturën për kryetar të degës së Partisë Demokratike në Gjirokastër.

Në një postim në rrjetet sociale, Rabi shprehet se ka qenë pranë njerëzve me punën e tij si gazetar dhe si zëdhënës i PD-së, ndërsa shton se sot kërkon besimin e qytetarëve dhe votën e tyre.

Ai shprehet se dega e PD-së në Gjirokastër nuk është në nivelin që meriton dhe se ka nevojë për energji të re dhe drejtim të fortë.

Në reagimin e tij, Rabi ka ndarë dhe prioritetet e tij për degën dhe thekson se sot Gjirokastra ka nevojë për një alternativë që dëgjon, që kupton dhe që vepron.

Reagimi i plotë:

Të dashur demokratë

“Koha për ta ringritur PD Gjirokastër”

Kjo është platforma ime për Kryetar të Partisë Demokratike, Dega Gjirokastër.

Unë, Armando Rabi, prej vitesh kam qenë pranë jush si gazetar dhe si zëdhënës i Partisë Demokratike. Kam qenë zëri juaj dhe së bashku kemi bërë një opozitë të fortë, të drejtë dhe të pandalur.

Kjo rrugë nuk ka qenë e lehtë. Kemi përballuar presione, shantazhe intimidime dhe kosto personale.

Ka pasur momente kur ishte më e lehtë të heshtja… por unë nuk jam ndalur asnjëherë. Me zë dhe me figurë kam denoncuar padrejtësitë, dhe do të vazhdoj ta bëj këtë çdo ditë, me besim në Zot dhe me besimin tuaj.

Kam qenë dhe do të jem gjithmonë në krah të qytetarëve.

Sot vij para jush jo vetëm për të kërkuar votën tuaj, por mbi të gjitha për të kërkuar besimin tuaj.

Besimin për të ringritur Partinë Demokratike në Gjirokastër partinë ku kemi lindur politikisht, ku jemi rritur dhe kemi dhënë kontributet tona. Sot, le ta themi me sinqeritet:

PD Gjirokastër nuk është në nivelin që meriton. Ajo ka nevojë për energji të re, për bashkim dhe për drejtim të fortë.

E di që shumë prej jush ndihen të lodhur, të zhgënjyer, ndoshta edhe të harruar. Por unë besoj fort se ky është momenti ynë për t’u ringritur më fortë.

Prandaj ju ftoj të bashkojmë forcat.

Ta ringremë së bashku Partinë Demokratike.

Ta bëjmë sërish një zë të fuqishëm për qytetarët e Gjirokastrës.

Ta rikthejmë shpresën tek çdo demokrat dhe çdo familje gjirokastrite.

Prioritetet e mia:

1- Rimëkëmbja dhe forcimi i Partisë Demokratike në Gjirokastër,

I cili ka nisur nga baza: seksionet, grup-seksionet dhe çdo strukturë lokale një parti e fortë ndërtohet nga poshtë lart.

2-Rinia zemra e së ardhmes

Ringritja dhe fuqizimi i Forumit Rinor do të jetë prioritet absolut. Të rinjtë nuk do të jenë vetëm mbështetës, por vendimmarrës.

3-Barazia dhe përfaqësimi

Barazia gjinore do të jetë realitet në çdo nivel drejtimi dhe përfaqësimi.

4- Meritokracia dhe vlerat

Çdo kontribut do të vlerësohet. Çdo individ do të ketë hapësirën që meriton, bazuar në punë dhe integritet.

5- Hapja ndaj të rinjve dhe qytetarëve

Do të punoj për afrimin dhe anëtarësimin e të rinjve, profesionistëve dhe çdo qytetari që beson tek ndryshimi.

6- Fitorja në zgjedhjet lokale 2027

Me punë të përbashkët, me organizim dhe me një frymë të re, ne kemi të gjitha mundësitë për të fituar Bashkinë e Gjirokastrës.

Qyteti ynë meriton më shumë.

Meritoni më shumë ju, qytetarë të Gjirokastrës.

Unë ju jap fjalën se do të jem ai që kam qenë gjithmonë zëri juaj

i palodhur, i përkushtuar, pranë jush ditë dhe natë, në çdo betejë dhe në çdo sfidë.

Sot, më shumë se kurrë, Gjirokastra ka nevojë për një alternativë që dëgjon, që kupton dhe që vepron.

#Sëbashku do ta rikthejmë besimin.

#Sëbashku do ta rikthejmë Gjirokastrën në rrugën e zhvillimit.

#Sëbashku do ta rikthejmë Partinë Demokratike aty ku i takon. /CNA