“Autocensura vjen nga njerëzit rreth e qark”/ Rita Petro: Njerëzit në politikë transformohen

10 Prill 2026, 20:27, Aktualitet CNA

“Autocensura vjen nga njerëzit rreth e qark”/ Rita Petro:

Shkrimtarja Rita Petro ka folur për lirinë e shprehjes, autocensurën dhe ndryshimet që, sipas saj, ndodhin tek individët kur përfshihen në politikë.

E ftuar në podcastin “Alishverish” me Bledi Manen dhe Gjergj Lucën, ajo u shpreh se autocensura shpesh nuk vjen nga institucionet, por nga presioni i njerëzve që ke rreth e qark.

Sipas saj, tejkalimi i këtij presioni është kusht për lirinë personale dhe krijuese.

Petro foli edhe për periudhën e censurës në të kaluarën, duke theksuar se dikur shkrimtarët përballeshin me kufizime të forta dhe shumë vepra nuk arrinin të qarkullonin lirshëm.

Ajo kritikoi gjithashtu klimën e sotme shoqërore, duke thënë se shpesh mbizotëron hipokrizia dhe mungesa e ndjeshmërisë.

Sipas saj, një ndryshim i dukshëm ndodh tek njerëzit kur hyjnë në politikë, ku “transformimi” i tyre është i menjëhershëm dhe shpesh i thellë.

“Autocensura vjen nga njerëzit që ke rreth e qark. E kalove barrikadën atëherë mund të jesh e lirë. Një censurë ku poetët vriteshin fjala nuk arrinte të dilte. Sot kemi hipokritë dhe të pashpirt shumë nga ata që drejtojnë janë të pashpirt. Sapo futen në botën e politikës transfromohen. Para se të na numërojnë kemi bërë këtë këtë, njeriu në fillim ka shpirtin”, tha shkrimtarja Petro./ CNA