web counter
LEXO PA REKLAMA!

SHKARKO APP

App Store
Google Play

Rama në Berat, prezanton programin që do të mbështesë sipërmarrësit

10 Prill 2026, 16:53, Aktualitet CNA

Rama në Berat, prezanton programin që do të mbështesë

Kryeministri Edi Rama zhvilloi një takim me sipërmarrës në qytetin e Beratit, ku foli për mbështetjen e qeverisë ndaj nismave të biznesit dhe zhvillimit të sektorit prodhues në vend.

Gjatë bashkëbisedimit, Rama theksoi se qeveria do të mbështesë me vendosmëri projektet e sipërmarrësve, duke vënë në dukje rëndësinë e zgjerimit të investimeve dhe zhvillimit të zinxhirit të përpunimit.

Ai njoftoi gjithashtu një program të ri kombëtar me emrin “Dyfisho Biznesin Tënd”, i cili synon të ofrojë financim për bizneset që kanë plane të qarta zhvillimi dhe projekte të qëndrueshme rritjeje.

Kryeministri vlerësoi edhe rolin e bashkive në nxitjen e ekonomisë lokale, duke thënë se suksesi i projekteve lidhet me faktin që ato janë bërë promotore dhe palë në zhvillim, duke krijuar kushte për sipërmarrjen.

“Gjëja që mund t’iu them është që ne do iu mbështesim me vendosmëri nismat. Ju keni filluar ndërtimin e pikës fundore të trajtimit por oreksi vjen duke ngrënë. Kjo është arsyeja pse ne kemi vendosur edhe mbështetje për shoqëritë e bashkuara bujqësore dhe ndërkohë po formësojmë një program të ri kombëtar që e kemi quajtur “Dyfisho Biznesin Tënd” që do të mundësojë financim për ata që do të duan të rriten me plan të qartë dhe një projekt bindës. Ky sukses lidhet me faktin që bashkia është bërë promotore duke krijuar kushte dhe duke u bërë dhe pale”, tha Rama./ CNA





Lajmet e fundit nga