web counter
LEXO PA REKLAMA!

SHKARKO APP

App Store
Google Play

E fundit!

x

I përfshirë në dosjen “Buka” me Ahmetajn/ Biznesmeni paraqitet në GJKKO

10 Prill 2026, 13:01, Aktualitet CNA

Biznesmeni Lirim Fejzollari është paraqitur këtë të premte në Gjykatën e Posaçme, ku do të pyetet nën cilësinë e dëshmitarit për çështjen "Buka". 

Fezollari është i pari në listën e dëshmitarëve, përcaktuar nga seanca e zhvilluar në GJKKO në shkurt të këtij viti lidhur me çështjen.

Në tetor të vitit 2023 u raportua se SPAK-u po hetonte biznesmenin për dyshime se ky i fundit është përfshirë në afera me ish-nr.2 të qeverisë, Ahmetajn, sot në arrati.

Në nëntor të vitit 2018, ministri i Zhvillimit Ekonomik të asaj kohe, Arben Ahmetaj, urdhëroi anulimin e një ankandi të zhvilluar në vitin 2015, për shitjen e rreth 46 për qind të aksioneve të kompanisë publike “Buka” sh.a. te biznesmeni Lirim Fezollari, i cili zotëronte edhe 40 për qind të tjera të aksioneve.

Vendimi për anulimin e këtij ankandi ishte në vijim të një vendimi të formës së prerë, të marrë më herët nga Gjykata e Apelit Administrativ. Por, ky vendim, megjithëse ka firmën dhe vulën e ministrit, nuk rezulton të jetë reflektuar zyrtarisht./CNA





Lajmet e fundit nga