web counter
LEXO PA REKLAMA!

SHKARKO APP

App Store
Google Play

E fundit!

x

Hyn sot në funksion të plotë sistemi EES i hyrje-daljes në zonën Shengen

10 Prill 2026, 08:15, Aktualitet CNA

Hyn sot në funksion të plotë sistemi EES i hyrje-daljes në

Duke filluar nga filluar nga sot, data 10 prill 2026, në 29 vendet e hapësirës Shengen hyn në funksion të plotë Sistemi Europian i Hyrjes/Daljes (Entry/Exit System – EES), i cili zëvendëson vulosjen manuale të pasaportave me regjistrimin elektronik të hyrjeve dhe daljeve të shtetasve nga vendet joanëtare të Bashkimit Europian.

Ky sistem, i cili ka nisur të zbatohet pjesërisht që prej tetorit 2025, do të aplikohet për të gjithë shtetasit që udhëtojnë për qëndrime afatshkurtra, deri në 90 ditë brenda një periudhe 180-ditore, në zonën Shengen.

Në hyrjen e parë pas datës 10 prill 2026, në pikën kufitare do të regjistrohen:
të dhënat e pasaportës, fotografia e fytyrës dhe gjurmët e gishtërinjve.

Refuzimi për të dhënë të dhënat biometrike sjell refuzimin e hyrjes në territorin Shengen.

Në fazën fillestare të zbatimit mund të ketë vonesa në aeroporte, porte dhe pika kufitare tokësore; për këtë arsye, qytetarët këshillohen të paraqiten më herët për udhëtim.

Pasaporta duhet të jetë e vlefshme dhe në gjendje të mirë fizike.
Nuk kërkohet aplikim paraprak për EES; regjistrimi kryhet në momentin e kalimit kufitar.
Sistemi nuk ndryshon rregullin ekzistues të qëndrimit: maksimumi 90 ditë në çdo periudhë 180-ditore./CNA 

 

 





Lajmet e fundit nga