web counter
LEXO PA REKLAMA!

SHKARKO APP

App Store
Google Play

E fundit!

x

“E vërteta e rritjes ekonomike”/ Këlliçi: Të fundit në rajon për të ardhurat e qytetarëve dhe fuqinë blerëse

9 Prill 2026, 11:28, Aktualitet CNA

“E vërteta e rritjes ekonomike”/ Këlliçi: Të

Deputeti i Partisë Demokratike, Belind Këlliçi, ka bërë një reagim në rrjetet sociale lidhur me një shkrim për pagat në vendin tonë.

Këlliçi shkruan se në krahasim me vendet e rajonit, Shqipëria është e fundit në të ardhurat e qytetarëve dhe ka fuqinë blerëse më të ulët.

Sipas tij, këto dy të dhëna tregojnë se nuk ka rritje ekonomike reale. Ndër të tjera shton se Shqipëria ka më të lartë se vendet e rajonit vetëm propagandën dhe korrupsionin.

Postimi i plotë: 

E vërteta e rritjes ekonomike!

Revista Monitor ka bërë një hulumtim ku hidhet poshtë teza që po trumpeton Edi Rama kohët e fundit, sikur ka rritje ekonomike dhe kjo do të thotë se nuk ka korrupsion.

Krahasuar me vendet e rajonit, ne jemi prapë të fundit në të ardhurat e qytetarëve dhe kemi fuqinë blerëse më të ulët. Këto dy të dhëna, tregojnë se nuk ka rritje ekonomike reale.

Ato shifra me të cilat mburret Edi Rama, kanë të bëjnë me zgjerimin e punësimit në administratë. Pra shtimi i patronazhistëve që paguhen për të bërë like e share, për të bërë presion për votën, nuk është në fakt vlerë e shtuar në ekonomi.

Serbia, Bosnja, Mali i zi, Maqedonia e Veriut e kanë dukshëm më të lartë pagën mesatare, dhe sipas politikave për të nxitur sektorë të ekonomisë dhe krijimin e vendeve të punës.

Fqinjët, i kanë pagat mesatare 30 deri në 50 përqind më të larta se në Shqipëri dhe fuqinë blerëse të qytetarëve po aq më të madhe. Jo më kot, mijëra bashkëqytetarë shtegtojnë çdo ditë përtej kufirit për t’u furnizuar me karburant më të lirë, e për të marrë ushqime më të lira.

Në krahasim me rajonin, ndoshta ne kemi vetëm një gjë më të lartë, progapandën dhe gënjeshtrat e Kryeministrit. Kuptohet, edhe korrupsionin dhe lidhjet kriminale të qeverisë. /CNA





Lajmet e fundit nga