web counter
LEXO PA REKLAMA!

SHKARKO APP

App Store
Google Play

E fundit!

x

Rasti i Begtash Zenelit/ Prokurori kundërshton vendimin e dhënë nga Gjykata e Apelit

9 Prill 2026, 10:37, Aktualitet CNA

Rasti i Begtash Zenelit/ Prokurori kundërshton vendimin e dhënë

Vijon seanca gjyqësore para Kolegjeve të Bashkuara. Përfaqësuesi i Prokurorisë së Përgjithshme, Arqilea Koça, kundërshton vendimin e dhënë nga Gjykata e Apelit “arrestin në shtëpi” për rastin e Begtash Zenelit.

Prokurori Koça mbron rekursin e bërë në Gjykatën e Lartë pasi Gjykata e Apelit ka dhënë arrest shtëpie për Zenelin. 

Fillimisht, Gjykata e Shkallës së Parë në Lezhë kishte vendosur vleftësimin e ligjshëm të arrestit në flagrancë dhe caktimin e masës “arrest me burg”.

Por, pas ankimit të mbrojtjes, Gjykata e Apelit ndryshoi vendimin, duke caktuar masën më të lehtë “arrest në shtëpi”.

Në reagim ndaj këtij vendimi, Prokuroria paraqiti rekurs në Gjykatën e Lartë, ku theksohet se Apeli ka zbatuar gabim nenet 229 dhe 230 të Kodit të Procedurës Penale, pasi nuk ka bërë një analizë të plotë të rrethanave të çështjes, rrezikshmërisë së veprës penale dhe profilit të të dyshuarit.

Prokuroria argumenton se, në kushtet konkrete, “arresti me burg” është masa e vetme e përshtatshme, duke marrë në konsideratë natyrën e veprës, sasinë e lëndës narkotike të sekuestruar, mënyrën e zbulimit të rastit dhe të kaluarën kriminale të personit nën hetim.

Gjithashtu, në rekurs theksohet se një masë më e butë si “arrest në shtëpi” mund të justifikohet vetëm nëse paraqiten prova konkrete që ulin ndjeshëm rrezikun nga i dyshuari, prova që, sipas Prokurorisë, mungojnë në këtë rast./ CNA

Rasti i Begtash Zenelit/ Prokurori kundërshton vendimin e dhënë

Rasti i Begtash Zenelit/ Prokurori kundërshton vendimin e dhënë

Rasti i Begtash Zenelit/ Prokurori kundërshton vendimin e dhënë

 





Lajmet e fundit nga