web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Gjykatës Kushtetuese/ Meta: Asnjë suprizë

8 Prill 2026, 16:52, Aktualitet CNA

Vendimi i Gjykatës Kushtetuese/ Meta: Asnjë suprizë

Kreu i Partisë së Lirisë, Ilir Meta ka reaguar pasi Gjykata Kushtetuese i rrëzoi kërkesën për ndryshim të masës së sigurisë.  Në reagimin e tij në rrjetet sociale, Meta shprehet se vendimi nuk ishte aspak surprizë.

Kreu i PL-së ka bërë sërish ftesë mediave të jenë të pranishëm në seancën e parë të gjykimit në themel dhe në seancat e tjera.

Postimi i plotë:

Asnjë suprizë nga Gjykata e Lanës!

Pasi e zvarriti çështjen prej 6 muajsh, përtej çdo afati të arsyeshëm, me qëllim, vonimin në rrugën tonë drejt Strasburgut, sot tregoi edhe njëherë se kjo Gjykata nuk di të zhgënjejë.

Vlerësimin tim për të e kam thënë që më 2 Mars 2020 kur këta betoheshin te Lana.

Por se paku të kenë fare pak dinjitet dhe të mos vonojnë zbardhjen e vendimit të tyre.

Edhe njëherë i ftoj të gjithë mediat dhe gazetarët, më 27 prill, në seancën e parë të gjykimit në themel, dhe në të gjitha seancat e tjera, ku do të jem ballë për ballë me bandën, që më rrëmbeu në mënyrë banditeske dhe ku do të çmontojmë këtë proces farsë të neveritshëm të drejtësisë me regji.

Kreu i PL-së, Ilir Meta, ndodhet në qeli që prej 21 tetorit të vitit 2024 ku ai dhe ish-bashkëshortja e tij, Monika Kryemadhi, akuzohen për korrupsion pasiv, pastrim parash dhe mosdeklarim pasurie.

Pirro Xhixho akuzohet për korrupsion pasiv të funksionarëve të lartë të kryer në bashkëpunim. Ndërsa Fatime Kryemadhi akuzohet për pastrim parash, së bashku me Ema Çokun. /CNA





Lajmet e fundit nga