web counter
LEXO PA REKLAMA!

SHKARKO APP

App Store
Google Play

E fundit!

x

"Dy qytetarë u ndaluan në Lezhë se po kalonte Rama"/ Këlliçi: Prokuroria të nisë hetimet

8 Prill 2026, 12:22, Aktualitet CNA

"Dy qytetarë u ndaluan në Lezhë se po kalonte Rama"/

Deputeti i Partisë Demokratike, Belind Këlliçi, është shprehur në një postim në rrjetet sociale se dy qytetarë janë ndaluar ditën e djeshme në Lezhë për shkak të vizitës së kryeministrit Edi Rama.

Këlliçi shprehet se dy qytetarët janë ndaluar pasi njihen për qëndrimet e tyre kritike, ndërsa shton se janë liruar pasi Rama ka mbaruar aktivitetin.

Deputeti bën thirrje të nisë hetimet për ndalimin e tyre, vetëm për të parandaluar ndonjë protestë të mundshme gjatë vizitës së kryeministrit.

Postimi i plotë:

Qytetarët humbën lirinë se po kalonte Edi Rama, duhet hetim i menjëhershëm!

Dy qytetarë në Lezhë kanë humbur dje lirinë mbi 4 orë, për shkak se aty po bënte një vizitë Edi Rama. Qytetarët nuk po bënin asgjë, ishin në punën e tyre. Ata u ndaluan sepse njihen për qëndrimet e tyre kritike. Janë liruar pasi kryeministri ka mbaruar aktivitetin.

Nuk është një sinops për letërsi, as pjesë nga romanet e Mario Vargas Llosa që përshkruan diktaturat e karaibeve.

Është një ngjarje që ka ndodhur në mes të ditës, në vendin që po hap e mbyll kapitujt me Brukselin. E konfirmuar madje nga Drejtoria e Policisë së Lezhës, e cila pranon se e ka kryer këtë veprim për të parandaluar ndonjë protestë të mundshme.

Njëri nga të ndaluarit ka probleme pasi po i merret prona në Rrjoll. Tjetri, ka pakënaqësi ndaj qeverisjes. Të dy mund të jenë mbështetës të Opozitës, ose ndoshta thjesht nuk duan qeverinë.

Ky është një zhvillim dramatik. Këta janë të burgosur të ndërgjegjes të regjimit të ri në vend.

Asnjë shqetësim nuk do të kishin ata nëse do të ishin militantë të rilindjes, patronazhistë, apo nëpunës. As anëtarët e bandave që janë aktive në këtë zonë, nuk patën telashe dje me vizitën e Edi Ramës.

Vetëm protestuesit e mundshëm, ata që kërkojnë të drejtat e tyre, që nuk pajtohem me një qeveri e kryeministër të korruptuar, përfunduan në qeli.

Edi Rama e di mirë se në çdo rrugë, në çdo shesh, në çdo vend ku mund të ketë kontakt me qytetarët, ai do të marrë atë që ka mbjellë. Pakënaqësinë deri në revoltë të njerëzve. Dhe i vetmi mjet që i ka ngelur për t’u mbrojtur, është forca dhe policia.

Dhe ky pretendon se po çan përpara në rrugën e integrimit europian.

I bëj thirrje prokurorisë të nisë menjëherë hetimet për këtë arbitraritet e për këtë heqje të paligjshme të lirisë ndaj dy qytetarëve. Urdhëruesi dhe zbatuesi i kësaj mase, e ka në fakt vendin në qeli.

As komisariatet, as forcat speciale, as mjetet ushtarake nuk do ta ndihmojnë Edi Ramën të qëndrojë në detyrë.

Bashkohemi me 17 prill para zyrës së krimit e korrupsionit më të motivuar, më të vendosur për të shpëtuar Shqipërinë. /CNA





Lajmet e fundit nga