web counter
LEXO PA REKLAMA!

SHKARKO APP

App Store
Google Play

E fundit!

x

“Duhen vendosur tarifa për turistët”/ Rama, inspektim në spitalin rajonal të Lezhës

8 Prill 2026, 11:13, Aktualitet CNA

Kryeministri Edi Rama ka kryer një inspektim në Spitalin e ri Rajonal në Lezhë, me drejtuesit e bluzave të bardha mbi kushtet, për rreth 22 mijë mjekë, infermierë e staf mjekësor në të gjithë vendin.

Rama u shpreh se shpreson që në vijim pagat e mjekëve do të rriten sërish. Ndër të tjera shtoi se është një lehtësim i madh për qytetarët, decentralizimi i shërbimit onkologjik.

“Rritja e pagave ka qenë domethënëse se rritja e ekonomisë ka qenë domethënëse. Meqë ekonomia po na ndihmon të kemi më shumë mundësi, indeksimin e pagave do ta shtrijmë te të gjitha profesionet. Do kemi mundësi përsëri në vijim t’i rrisim pagat. Spitali ndodhet në kushte shumë të mira. Për spitalin e Lezhës nuk kam konstatuar ankesa dhe e keni krijuar një respekt tek ata që i shërbeni. Çdo spital që mban dhe ngarkesën e ambulatorit të përgjithshëm ngarkohet. Unë besoj se është fantastik decentralizimi i shërbimit onkologjik dhe kimioterapisë. Lehtëson një pjesë të problemeve të pacientëve si rruga apo pritja”, tha Rama.

Kreu i qeverisë tha gjithashtu se problem në spitale është menaxhimi, ndërsa u shpreh se duhen vendosur tarifa për turistët në mënyrë që, sipas tij, të rritet kapaciteti financiar i shtetit.

“Problemi është menaxhimi, nuk e kemi traditë menaxhimin e spitaleve siç e ka bota. Duke diskutuar me nja dy grupe shumë të mëdha për të hyrë në marrëdhënie menaxhimi, Polonia ka bërë një supertransformim. Të dy, pavarësisht nga njëri-tjetri, se e kemi diskutuar për ‘Nënë Terezën’, thonë që është kyç që të ndërtohet brenda spitalit një spital privat për mjekët e spitalit dhe të jetë pjesë e sistemit të punës së mjekëve të spitalit në mënyrë që t’iu japim mundësinë që ta kemi spitalin si vendin ku janë bashkëpronarë dhe të kenë një kapacitet të ardhurash sipas performancës. Së dyti, ne duhet të vendosim tarifat për turistët. Duhet të rrisim kapacitetin financiar të shtetit. Këto gjëra diskutohen në bazë të një buxheti. Janë gjëra që do të vijnë hap pas hapi”, u shpreh Kryeministri. /CNA





Lajmet e fundit nga