web counter
LEXO PA REKLAMA!

SHKARKO APP

App Store
Google Play

E fundit!

x

Balla, pas Konferencës së Kryetarëve: Komisionet e kërkuara nga opozita, jo në përputhje me Kushtetutën

7 Prill 2026, 14:33, Aktualitet CNA

Balla, pas Konferencës së Kryetarëve: Komisionet e kërkuara

Kreu i Grupit Parlamentar të PS-së, Taulant Balla, ka folur pas përfundimit të mbledhjes së Konferencës së Kryetarëve. Balla u shpreh se komisionet hetimore të kërkuara nga opozita u rrëzuan për shkak se nuk ishin në përputhje me Kushtetutën.

Lidhur me kërkesën për ngritjen e Komisioni Hetimor për AKSHI-n, ai tha se Kuvendi nuk mund të ndërhyjë në një çështje ku është përfshirë një pushtet tjetër.

“Kërkesat për ngritjen e komisoneve duhet të respektojnë disa parime. I pari është parimi i së drejtës së palës kërkuese. Por kjo kërkesë duhet të shikohet në këndëvështrimin që ka kufizime sa i përket përmbajtjes. Duhet të jenë në përputhje me Kushtetutën dhe të mos mbivendosen më pushtetet e tjera.

Kërkesa e parë që u shqyrtua në rend dite ishte nga një deputete e opozitës që të hetohet nëna natyrë, moti, sepse ka sjellë shumë shi. U kërkua të hetohen të gjitha procedurat nga 2014 deri në 2025, por nuk u tha se çfarë duan të hetohet.

Kërkesa tjetër ishte për një komision hetimor për një çështje ku është i përfshirë një pushtet tjetër. Pra, Kuvendi nuk mund të ndërhyjë për hetime kur një pushtet tjetër po e bën. Dëshira jonë për të miratuar kërkesat e opozitës është e palimituar, por duihet të vijnë në formën që e lejon Kushtetuta. Opozita duhet të vijë me diçka konkrete kur kërkon komision”, tha Balla.

I pyetur se çfarë mendon për vetofrimin e Erion Braçes si kandidat për Bashkinë e Tiranës, Balla tha se ka mjaft kohë për ta diskutuar këtë çështje.

“Unë nuk kam dëgjuar kritika, por dua të them që në PS secili ka të drejtën e vet të thotë gjithçka mendon. Sa i përket ambicies së çdo socialisti lidhur me proceset e ardhshme zgjedhore, do kemi kohë ta diskutojmë këtë çështje”, tha ai. /CNA





Lajmet e fundit nga