web counter
LEXO PA REKLAMA!

SHKARKO APP

App Store
Google Play

E fundit!

x

Seanca për Gërdecin/ Mediu: Nëse do të ishte zbatuar kontrata nuk do të kishte shpërthim

7 Prill 2026, 12:49, Aktualitet CNA

Seanca për Gërdecin/ Mediu: Nëse do të ishte zbatuar

Kreu i Partisë Republikane, Fatmir Mediu, ka folur për mediat pas daljes nga Gjykata e Posaçme ku është mbajtur seanca e radhës për çështjen “Gërdeci”.

Mediu u shpreh se urdhri i dhënë prej tij në cilësinë e ministrit të Mbrojtjes nuk ishte për demontimin e armatimeve, por vetëm për kalimin e tyre nga Forcat e Armatosura drejt kompanisë.

Ndër të tjera u shpreh se nëse do të ishin zbatuar të gjitha pikat e kontratës nuk do të kishte ndodhur dhe shpërthimi në Gërdec.

“Urdhrat e ministrit kishin karakter individual administrativ dhe një urdhër ministri nuk është bërë ligj apo VKM. Nuk ka asnjë boshllëk ligjor për trajtimin e municioneve në Forcat e Armatosura, këtë e konstatuan edhe ekspertët e prokurorisë. Akti i ministrit nuk është urdhër demontimi, kam dhënë urdhër për kalim municionesh nga Ushtria në MEKO. Kontrata më pas parashikon detajet. Nëse do të ishin zbatuar ato që përfshiheshin në kontratë nuk do të kishte pasur një shpërthim dhe një situatë si ajo që ndodhi”, tha ai.

Akuza ndaj Mediut lidhet me vendimin për të lejuar demontimin e municioneve nga një kompani private, pranë zonave të banuara, pa mbikëqyrje të rreptë dhe pa siguri të mjaftueshme. /CNA





Lajmet e fundit nga