web counter
LEXO PA REKLAMA!

SHKARKO APP

App Store
Google Play

E fundit!

x

Përfundon takimi me ministrat/ Fermerët: Po tallen me ne, pse nuk ka luftë për vendet e rajonit?

7 Prill 2026, 13:48, Aktualitet CNA

Përfundon takimi me ministrat/ Fermerët: Po tallen me ne, pse nuk ka

Ka përfunduar takimi mes përfaqësueve të fermerëve dhe blegtorëve me ministrin e Financave, Petrit Malajn dhe ministrin e Bujqësisë, Andis Sallën.

Sipas përfaqësuesit të fermerëve, ministri është shprehur se mundësia e rritjes së subvencioneve do të rishikohet nga muaji shtator. Po ashtu njëjtë është deklaruar edhe për uljen e çmimit të naftës. 

“Sa u përket subvencioneve, do rishikohen masat nga shtatori. Për naftën ministri i Financave tha se është e njëjta si për konsumatorët e tjerë, është ulur me 20% akciza. Për shkak të luftës nuk merret asnjë masë tjetër. Në shtator do të rishikohet masa e mbështetjes. Do të bisedojmë se si do të vazhdohet në vijim. Na ka thënë që për çdo faturë do të rimbursoheni me 10%”, u shpreh njëri nga përfaqësuesit.

Ndërkohë fermerët e tjerë janë shprehur kundër kësaj deklarate të ministrit, dhe kërkojnë që ai të përballet dhe me fermerët e tjerë.

“Po tallen me ne. Pse nuk ka luftë edhe për vendet e rajonit që kanë subvencionet?”, u shpreh njëri nga blegtoret.

Protesta pritet të zhvendoset para Kryeministrisë, ndërsa protestuesit kanë paralajmëruar përshkallëzime. /CNA





Lajmet e fundit nga