web counter
LEXO PA REKLAMA!

SHKARKO APP

App Store
Google Play

E fundit!

x

Sadushi nesër merr vendimin "Veliaj"/ Akti kërcënon sigurinë e Shqipërisë dhe rajonit

8 Prill 2026, 14:26, Aktualitet CNA

Sadushi nesër merr vendimin "Veliaj"/ Akti kërcënon

Kreu i PD-së, Sali Berisha, ka folur për vendimin e ndërmjetëm të marrë nga Sokol Sadushi në shërbim të Erion Veliajt.

Gjatë mbledhjes, Berisha deklaroi se nesër Sadushi me një akt që kërcënon sigurinë e Shqipërisë dhe rajonit del me vendimin nga i cili përfiton Veliaj.

Sipas Berishës, ky akt nuk i shërben vetëm Veliajt, por edhe bosëve të drogës apo krerëve të organizatave kriminale.

“Nesër Sadushi me një akt që kërcënon absolutisht sigurinë e Shqipërisë dhe vendeve të rajonit del me vendimin për ata që janë në paraburgim pa vendim të prerë të dalin, ky është vendimi Veliaj. Por nga vendimi 'Veliaj' përfitojnë me dhjetëra bosë të drogës, krerë të organizatave kriminale. Kjo është gjetur rruga e paqes mes klaneve mafioze dhe keni parë që studiot e kontrolluara nga Rama nuk thonë një fjalë të vetme. Nuk shqipërojnë asnjë fjalë të vetme, nuk bëjnë një transparencë të vetme për të gjitha këto”, tha Berisha./ CNA

Kanë mbetur vetëm 24 orë nga mbledhja e Kolegjeve të Bashkuara që do të zhvillohet në datën 9 prill për të shqyrtuar vendimin e ndërmjetëm të Sokol Sadushit, i cili i shërben kryebashkiakut të arrestuar të Tiranës, Erion Veliaj, ndaj të cilit rëndojnë 13 akuza për 5 vepra të rënda penale.

Seanca gjyqësore para Kolegjeve të Bashkuara do të mbahet në orën 09:30. Sokol Sadushi ka nxjerrë një vendim të ndërmjetëm, duke e ushtruar këtë detyrë për herë të parë, për nisjen e procedurës për ndryshimin e pjesshëm të praktikës së njësuar të Kolegjeve të Bashkuara të Gjykatës së Lartë të vitit 2011 mbi masat e sigurimit personal.

Në vendimin e ndërmjetëm të marrë në 9 mars të vitit 2026 nga Sokol Sadushi theksohet se është vendosur:

1-Nisja e procedurës për ndryshimin e pjesshëm të praktikës gjyqësore të njësuar, lidhur me vendimin nr. 7, datë 14.10.2011 të Kolegjeve të Bashkuara të Gjykatës së Lartë.

Përmes këtij vendimi të ndërmjetëm, Sadushi kërkon të bëjë ndryshime procedurale që në finale çojnë në ndryshimin e kritereve të vendosjes së masës së sigurimit, duke i shërbyer në këtë mënyrë Erion Veliajt si hall i madh i kreut të Gjykatës së Lartë dhe mikut të tij Mero Baze, gazetar mercenar, kamikaz i familjes Veliaj.

Njeriu që nuk duhet të ishte pjesë e sistemit të drejtësisë, i pavetinguari Sokol Sadushi është rreshtuar në radhën e mercenarëve që i shërben tashmë me vendime të ndërmjetme kryetarit të akuzuar për 5 vepra të rënda penale./ CNA





Lajmet e fundit nga