web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi mblidhet në seancë plenare, në rend dite projektligje dhe komisione hetimore

9 Prill 2026, 07:34, Aktualitet CNA

Kuvendi mblidhet në seancë plenare, në rend dite projektligje dhe

Kuvendi i Shqipërisë do të zhvillojë seancën plenare sipas urdhrit nr. 23, datë 7.4.2026, të kryetarit të Kuvendit, Niko Peleshi.

Seanca do të nisë me miratimin e procesverbalit të datës 2 prill dhe me njoftime të ndryshme. Më pas, në rend dite parashikohet një interpelancë me ministrin e Bujqësisë dhe Zhvillimit Rural, Andis Salla, e kërkuar nga deputeti Erion Braçe.

Po ashtu, do të zhvillohet një seancë pyetje–përgjigje me ministren e Arsimit, Mirela Kumbaro, me kërkesë të deputetes Erisa Xhixho.

Në fokus të seancës janë edhe disa projektligje të rëndësishme. Deputetët do të shqyrtojnë një shtesë në ligjin për portet turistike, si dhe ndryshime në ligjin për parandalimin e pastrimit të parave dhe financimit të terrorizmit.

Në rend dite janë gjithashtu dy projektvendime për ngritjen e komisioneve hetimore parlamentare. Njëri lidhet me kontrollin e ligjshmërisë së veprimeve të Autoritetit Rrugor Shqiptar në investimet rrugore, ndërsa tjetri me funksionimin e Agjencisë Kombëtare të Shoqërisë së Informacionit, duke përfshirë sigurinë kibernetike dhe mbrojtjen e të dhënave.

Seanca parashikon edhe votimin për zgjedhjen e një anëtari të Këshillit Mbikëqyrës të Bankës së Shqipërisë.

Në përfundim, deputetët do të kenë hapësirë për diskutime jashtë rendit të ditës, me kohë të kufizuar sipas rregullores së Kuvendit.

Rendi i ditës

Në mbështetje të urdhrit nr. 23, datë 7.4.2026 të Kryetarit të Kuvendit, z. Niko Peleshi, rendi i ditës është si më poshtë vijon:

1. Miratimi i procesverbalit të seancës plenare të datës 2.4.2026. (Neni 44, pika 2, të Rregullores së Kuvendit)

2. Njoftime. (Neni 44, pika 3, të Rregullores së Kuvendit)

3. Interpelancë me Ministrin e Bujqësisë dhe Zhvillimit Rural, z. Andis Salla, kërkuar nga deputeti Erion Braçe. (Në mbështetje të nenit 80 të Kushtetutës dhe nenit 96 të Rregullores së Kuvendit)

4. Seancë pyetje – përgjigje me Ministrin e Arsimit, znj. Mirela Kumbaro, kërkuar nga deputetja Erisa Xhixho. (Në mbështetje të nenit 80 të Kushtetutës dhe neneve 90 - 95 të Rregullores së Kuvendit)

5. Projektligji “Për një shtesë në ligjin nr. 9710, datë 10.4.2007 “Për portet turistike në Republikën e Shqipërisë”, i ndryshuar”. (Në mbështetje të neneve 78 dhe 81, pika 1, të Kushtetutës, dhe neneve 55, 68 dhe 73-77 të Rregullores së Kuvendit, shumicë e thjeshtë votash për miratim)

Pyetje

Shprehet nismëtari

Shprehet Komisioni përgjegjës për Burimet Natyrore, Infrastrukturën dhe Zhvillimin e Qëndrueshëm

Dhënie mendimi Komisioni për Ekonominë, Punësimin dhe Financat

Dhënie mendimi Komisioni për Kulturën, Turizmin dhe Diasporën

Diskutime (Shprehen grupet parlamentare)

Koha e votimit

6. Projektligji “Për disa shtesa dhe ndryshime në ligjin nr. 9917, datë 19.5.2008, “Për parandalimin e pastrimit të parave dhe financimit të terrorizmit”, të ndryshuar”. (Në mbështetje të neneve 78 dhe 83, pika 1, të Kushtetutës, dhe neneve 55, 68 dhe 73-77 të Rregullores së Kuvendit, shumicë e thjeshtë votash për miratim)

Pyetje

Shprehet nismëtari

Shprehet Komisioni përgjegjës për Ekonominë, Punësimin dhe Financat

Dhënie mendimi Komisioni për Çështjet Ligjore dhe Administratën Publike

Dhënie mendimi Komisioni për Çështjet e Brendshme dhe Mbrojtjen

Dhënie mendimi Komisioni për Europën dhe Punët e Jashtme

Diskutime

(Shprehen grupet parlamentare)

Koha e votimit

7. Projektvendimi “Për ngritjen e Komisionit Hetimor të Kuvendit, “Për kontrollin e ligjshmërisë së veprimeve të Autoritetit Rrugor Shqiptar për realizimin e investimeve në infrastrukturën rrugore””. (Në mbështetje të nenit 77 të Kushtetutës, neneve 7 dhe 8 të ligjit nr. 8891, datë 2.5.2002, “Për organizimin dhe funksionimin e Komisioneve Hetimore të Kuvendit”, i ndryshuar”, si dhe neneve 25 dhe 55të Rregullores së Kuvendit, shumicë e thjeshtë votash për miratim)

Koha e votimit

8. Projektvendimi “Për ngritjen e Komisionit Hetimor të Kuvendit, “Për kontrollin e ligjshmërisë në funksionimin e Agjencisë Kombëtare të Shoqërisë së Informacionit (AKSH), për vlerësimin e sigurisë kibernetike dhe mbrojtjes të së dhënave të qytetarëve, si dhe për analizimin e rreziqeve për sigurinë kombëtare dhe detyrimet e Shqipërisë si vend anëtar i NATO-s ””. (Në mbështetje të nenit 77 të Kushtetutës, neneve 7 dhe 8 të ligjit nr. 8891, datë 2.5.2002, “Për organizimin dhe funksionimin e Komisioneve Hetimore të Kuvendit”, i ndryshuar”, si dhe neneve 25 dhe 55 të Rregullores së Kuvendit, shumicë e thjeshtë votash për miratim)

Koha e votimit

9. Projektvendimi “Për zgjedhjen e një anëtari të Këshillit Mbikëqyrës të Bankës së Shqipërisë”. (Në mbështetje të nenit 78 të Kushtetutës, të nenit 44, pikat 2 dhe 3 të ligjit nr. 8269, datë 23.12.1997 “Për Bankën e Shqipërisë”, të ndryshuar”, si dhe të neneve 55 dhe 111 të Rregullores së Kuvendit, shumicë e thjeshtë votash për miratim)

Koha e votimit

10. Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)/ CNA





Lajmet e fundit nga