web counter
LEXO PA REKLAMA!

SHKARKO APP

App Store
Google Play

"Presione nuk hamë"/ Balla-opozitës: Nuk keni votuar asnjë ligj të BE-së

9 Prill 2026, 10:47, Aktualitet CNA

"Presione nuk hamë"/ Balla-opozitës: Nuk keni votuar

Kreu i Grupit Parlamentar të PS-së, Taulant Balla, ka mbajtur fjalën e tij në Kuvend, lidhur me debatin për zhvillimin e mocionit me debat për procesin e integrimit.

Duke iu drejtuar opozitës, Balla është shprehur se mazhoranca është e gatshme të miratojë çdo propozim të opozitës, nëse fillimisht prezantohet dhe diskutohet.

Ndër të tjera, Balla u shpreh se opozita nuk ka marrë pjesë në asnjë votim për ligjet e përafrimit të legjislacionit shqiptar me atë të BE-së.

“Duhet të vijmë te pjesa për këtë debat. diskutimi në Konferencën e Kryetarëve, kam thënë në datën 7 apo 14 maj të zhvillojmë debatin që ramë dakord. Ju thoni e duam menjëherë, ne themi ta zhvillojmë më 7 apo 14 maj. Ju thoni që mazhoranca u ka kufizuar, mohuar të drejtën që ju të sillni iniciativa ligjore, atë të miratimit të nismave. Nuk di, që shumica aktuale mes CDU dhe SPD të miratojë nisma ligjore nga AfD apo Green. Nuk ndodh. Ju thoni biem propozime, ju miratoni. Jemi të gatshëm të miratojmë propozimet, por jo me dhunë. As me forcë dhe gërdufje. Duhet të vini dhe ta prezantoni, diskutojmë dhe hajde miratojmë. Sot ju dashnorët e integrimit, e kemi filluar legjislacionin në fund të shtatorit. Prej asaj dite ja ku kemi ligjet e përafrimit të legjislacionit të parakushteve të anëtarësimit të Shqipërisë në BE, 23 ligje. Në asnjërin prej tyre nuk gjendet asnjë votë pro e juaja. Në asnjërin prej tyre nuk gjendet një votë pro e PD. Ju vini dhe thoni pse nuk votoni ligjet tona. Këto nuk janë ligjet tona, por janë ligje të përafrimit të Shqipërisë me BE-në. Ka nga radhët tona që në grupe nuk kanë qenë dakord, ka qenë e vështirë për mua për ta sjellë në germën e legjislacionit europian. Nëse ju e doni integrimin, anëtarësimin, sillni propozimet tuaja, për ligje, komisione hetimore, mocione me debat, por me variantin që o pranojeni këtë o ne... nuk e bëjmë dot. Presione nuk hamë. Sa i përket fasadës së normalitetit të rremë apo përjashtimin nga procesi, kush ju ka përjashtuar ju? Ju keni përjashtuar veten. Një qëndrim i deputetëve të PD ishte të zhvillohet mocioni me debat, por pa datë, propozimi ynë të zhvillohet me 14 maj. Për çështjet e Europës”, u shpreh Balla. /CNA





Lajmet e fundit nga