web counter
LEXO PA REKLAMA!

SHKARKO APP

App Store
Google Play

E fundit!

x

"Shqipëria pa rezerva nafte"/ Bozdo: Bordi i Transparencës, vëzhgues i rritjes së çmimit

9 Prill 2026, 11:43, Aktualitet CNA

"Shqipëria pa rezerva nafte"/ Bozdo: Bordi i Transparencës,

Deputeti i Partisë Demokratike, Eno Bozdo, ka mbajtur fjalën e tij në Kuvend gjatë diskutimit për projektligjin e propozuar nga opozita lidhur me çmimin e naftës. Bozdo u shpreh se projektligji i propozuar nga opozita synon uljen e taksave që rëndojnë çmimin e naftës për qytetarët.

Ndër të tjera, deputeti foli edhe për Bordin e Transparencës për të cilin tha se vetëm vëzhgon rritjen e çmimit të naftës, por nuk merr masa për uljen e tij.

"Rezervat e naftës supozohet të jenë për 90 ditë, por janë për 0 ditë. Projektligji që kemi propozuar synon uljen e taksave që rëndojnë çmimin e naftës për qytetarët. Nëse eliminojmë taksat mund të matemi me Maqedoninë e Veriut dhe Kosovën. Një tjetër mekanizëm që projektligji propozon është çdo tepricë e TVSH-së si rezultat i rritjes së çmimit të karburanteve shkon automatikisht për të ulur akcizën.

Për 45 lekë, qeveria fut në xhep 90 lekë për litër, të cilat shkojnë vetëm për të fryrë arkën e qeverisë, nuk shkon për ekonominë e familjeve shqiptare. Ky projektligj i përafruar me direktivat e BE-së është ajo që na duhet dhe jep zgjidhje konkrete për situatën. Jemi të vetmit në rajon dhe Europë që nuk kemi marrë asnjë masë për rritjen e çmimeve. Shqiptarët sot paguajnë naftën e 13-të më të shtrenjtë në botë. Qeveria sot ofron Bordin e Transparencës që vetëm vëzhgon rritjen. Mekanizimi i propozuar nga ne mbron qytetarin. 50 mijë fermerë u përjashtuan nga rritja e naftës. Të miratojmë këtë projektligj për të ndihmuar familjet shqiptare në përballimin e krizës", u shpreh Bozdo.  /CNA





Lajmet e fundit nga