web counter
LEXO PA REKLAMA!

SHKARKO APP

App Store
Google Play

Deputeti denoncon prishjet e objekteve në Lezhë: E papranueshme nxjerrja e 12 familjeve në rrugë

9 Prill 2026, 11:52, Aktualitet CNA

Deputeti denoncon prishjet e objekteve në Lezhë: E papranueshme

Deputeti i Partisë Demokratike, Gjin Gjoni, ka reaguar ndaj ndërhyrjes së Bashkisë Lezhë për prishjen e objekteve pas Katedrales, duke e cilësuar situatën si të papranueshme dhe të padrejtë.

Sipas Gjonit, vendimi për të nxjerrë në mes të katër rrugëve 12 familje, të cilat kanë jetuar prej më shumë se 35 vitesh në ato godina, përbën një akt të pashpirt dhe në kundërshtim me interesin e qytetarëve.

"E papranueshme ajo që po ndodh në Lezhë! Vendimi i bashkisë për të nxjerrë në mes të katër rrugëve 12 familje, të cilat kanë jetuar prej më shumë se 35 vitesh në godinat pas Katedrales, është një akt i padrejtë dhe i pashpirt.

Ne nuk jemi kundër investimeve publike dhe zhvillimit të qytetit, përkundrazi i mbështesim ato. Por zhvillimi nuk mund të bëhet duke sakrifikuar dinjitetin dhe sigurinë e qytetarëve. Para çdo ndërhyrjeje duhej të ishte garantuar një zgjidhje e drejtë dhe e qëndrueshme strehimi për këto familje.

Bonusi i qirasë i ofruar është i pamjaftueshëm dhe nuk u jep atyre asnjë garanci reale për të ardhmen.

Bashkia Lezhë duhet të reflektojë menjëherë dhe të marrë përgjegjësi, duke siguruar strehim dinjitoz për çdo familje të prekur. Qytetarët nuk mund të trajtohen si numra!", thekson Gjin Gjoni./ CNA





Lajmet e fundit nga