web counter
LEXO PA REKLAMA!

SHKARKO APP

App Store
Google Play

E fundit!

x

Padia e Veliajt ndaj Dados/ Ish-prokurori: Betejë me mullinjtë e erës, s'të çon askund

10 Prill 2026, 08:47, Aktualitet CNA

Padia e Veliajt ndaj Dados/ Ish-prokurori: Betejë me mullinjtë e

Ish-prokurori Eugen Beçi, në emisionin “Të Paekspozuarit”, ka folur për padinë e bërë nga kryebashkiaku Erion Veliaj ndaj prokurorit të posaçëm, Ols Dado, në Gjykatën Administrative.

Beçi tha se marrja e të pandehurit me emërimin e prokurorit është totalisht një aspekt personal që sa i përket strategjisë së mbrojtjes nuk të çon askund. Sa i përket emërimit të Dados, ish-prokurori u shpreh se dekreti i presidentit për emërimin ka kaluar në disa filtra kushtetues.

Më tej, Beçi u shpreh se në momentin kur Ols Dado ka bërë veprimet ligjore ndaj Veliajt ka qenë prokuror dhe padinë e kryebashkiakut të arrestuar me 13 akuza, ish-prokurori e sheh si një betejë me mullinjtë e erës.

 

 

“Çdo i pandehur në Republikën e Shqipërisë duhet të kuptojë se përballë ka prokurorinë dhe Kushtetutën dhe çdo person që përfaqëson prokurorinë, përfaqëson akuzën. Prokurori kur hyn në sallën e gjyqit nuk përfaqëson inatin e babait, por akuzën e shtetit. Të nxisësh të pandehurit të shohin që prokurori në detyrë është emëruar sipas ligjit apo jo është komplet akspekt personal dhe nuk të çon askund në strategji mbrojtjeje. Fakti tjetër është që dekreti i presidentit të Republikës ka kaluar në disa filtra kushtetues si KLP, KPA dhe KPK që e fillojnë verifikimin që nga emërimi. Pavlershmëritë kanë afate të caktuara kohore kur mund të ngrihen. Parashkruhet vrasja jo më një emërim në detyrë. Fakti që ti mund të krijosh një proces dhe të thuash që kam krijuar pavlefshmërinë absolute nuk do të thotë që mund t’i bëjnë nul veprimet e tij. E rëndësishme është që sipas ligjit, prokurori të jetë i emëruar në ligj, sipas ligjit. Ai ka qenë prokuror kur ka bërë veprimet dhe më duket një betejë me mullinjtë e erës”, tha ish-prokurori Beçi.





Lajmet e fundit nga