web counter
LEXO PA REKLAMA!

SHKARKO APP

App Store
Google Play

E fundit!

x

Miratohen rregullat për funksionimin e Këshillit të Mbështetjes së Projekteve pranë Autoritetit të Lojërave të Fatit

10 Prill 2026, 15:40, Aktualitet CNA

Miratohen rregullat për funksionimin e Këshillit të

Këshilli i Ministrave ka miratuar vendimin për ngritjen, organizimin dhe funksionimin e Këshillit të Mbështetjes së Projekteve pranë Autoritetit të Mbikëqyrjes së Lojërave të Fatit. Ky vendim synon të përcaktojë rregulla të qarta për financimin, përzgjedhjen dhe monitorimin e projekteve që mbështeten nga ky institucion.

Sipas vendimit, Këshilli do të drejtohet nga Zëvendëskryeministri dhe do të përbëhet nga disa ministra kyç, përfshirë ata të financave, sportit, kulturës, inovacionit dhe çështjeve sociale, si dhe drejtues të institucioneve përkatëse. Ai do të ketë në fokus përcaktimin e prioriteteve vjetore, miratimin e projekteve dhe ndjekjen e zbatimit të tyre.

Dokumenti përcakton gjithashtu kriteret që duhet të plotësojnë aplikuesit, ku përfshihen transparenca financiare, kapacitetet njerëzore dhe mungesa e detyrimeve ligjore apo tatimore. Projektet do të vlerësohen mbi bazën e ndikimit në komunitet, inovacionit, qëndrueshmërisë dhe efikasitetit financiar.

Financimi do të ndahet në dy kategori: afatshkurtër (deri në 1 vit) dhe afatgjatë (deri në 3 vite). Fondet do të shpërndahen në tre faza, duke nisur me 20% në fillim, 50% gjatë zbatimit dhe 30% pas përfundimit të projektit.

Vendimi parashikon gjithashtu mekanizma të fortë monitorimi dhe raportimi për të garantuar zbatimin korrekt të projekteve dhe përdorimin efikas të fondeve publike./ CNA





Lajmet e fundit nga