web counter
LEXO PA REKLAMA!

SHKARKO APP

App Store
Google Play

E fundit!

x

“Opozita, rol të papërfillshëm në parlament”/ Zbardhet raporti i PD-së dërguar ndërkombëtarëve

10 Prill 2026, 16:07, Aktualitet CNA

“Opozita, rol të papërfillshëm në parlament”/

Grupi parlamentar i PD-së ka dërguar një raport selive diplomatike në Shqipëri, ku shprehen se opozita nuk po lejohet të ushtrojë të drejtat e saj në parlament.

Raporti i dërguar dhe kryetarit të Kuvendit, Niko Peleshit përmban “të dhëna për secilin mekanizëm kontrolli që i është refuzuar opozitës në këto 6 muaj të Legjislaturës së re të Kuvendit”.

Sipas grupit të PD-së gjatë këtyre gjashtë muajve, shumica në Kuvend ka refuzuar një numër Komisionesh Hetimore, interpelancash, mocionesh me debat apo kërkesa për informacion.

“Qëndrimi politik i shumicës për të bllokuar çdo të drejtë kushtetuese të opozitës, refuzimi i çdo iniciative ligjore, përjashtimi i saj nga procesi i emërimeve në institucionet e pavarura, apo përjashtimi i saj nga procesi i integrimit, e bën rolin e deputetëve të opozitës në Parlament jo vetëm të papërfillshëm, por mbi të gjitha një fasadë të një normaliteti të rremë, që minon vetë parimet dhe standardet minimale të parlamentarizmit demokratik. Kjo situatë vë seriozisht në pikëpyetje vetë qëllimin e vazhdimit të pranisë së opozitës në Parlament. Nëse opozita nuk mund të diskutojë çështje me interes publik, nuk mund të ushtrojë mbikëqyrje mbi qeverisjen, nuk mund të propozojë ligje apo amendamente në dobi të qytetarëve, dhe nëse të drejtat e saj kushtetuese shpërfillen, atëherë roli i saj bëhet thjesht formal, duke dështuar në përmbushjen e përgjegjësive demokratike”, thuhet ndër të tjera në Raportin e Grupit Parlamentar të PD-së. /CNA

Dokumenta bashkëngjitur





Lajmet e fundit nga