web counter
LEXO PA REKLAMA!

SHKARKO APP

App Store
Google Play

Heqja e naftës pa taksa për fermerët/ Rama: Po abuzohej

10 Prill 2026, 17:03, Aktualitet CNA

Kryeministri Edi Rama ka folur në takimin e sotëm më sipërmarrësit në Berat për heqjen e naftës pa taksa për fermerët. Rama u shpreh se ky vendim u mor për shkak se sipas tij po abuzohej dhe po përdorej për qëllime që nuk lidhen me bujqësinë.

Ndër të tjera shtoi se fermerët duhet të kujdesen për sigurinë ushqimore, një nga fushat e cilësuara nga Rama si më sfiduese për integrimin në Bashkimin Europian.

“Nafta ka qenë një sfidë për bujqësinë, se e kemi provuar ta kthejmë nga disa anë. Kemi pasur mbi 60 mijë që kanë marrë naftë, ndërkohë që fuqia prodhuese nuk e ka këtë lloj proporcioni. Në këtë sens në nuk kemi hequr ,mbështetjen për asnjë, por kemi hequr mundësinë që nafta të abuzohet dhe përdoret për qëllime që nuk kanë lidhje me bujqësinë. Shumë njerëz që punojnë tokat e të tjerëve kanë qenë të detyruar të marrin naftën dhe tjua japin të tjerëve. Ne kemi qenë të detyruar të provojmë disa rrugë, ndërsa kjo tani vjen si rezultat i dijes për formalizimin, që do tu japë munfdësinë të keni më shumë mbështetje nga shteti dhe të përfitoni nga financimet europiane. Një nga sfidat më të vështira të futjes në BE është siguria ushqimore. Duhet garantuar standard për sigurinë ushqimore. Unë besoj që shqiptarët kanë aftësi për tu adaptuar por duhet filluar tani puna se çfarë do Bashkimi Europian. Duhet të plotësojmë standardet si shtet i BE-së”, tha Rama. /CNA





Lajmet e fundit nga