web counter
LEXO PA REKLAMA!

SHKARKO APP

App Store
Google Play

Transporti urban në Tiranë në prag të paralizës

10 Prill 2026, 21:11, Aktualitet CNA
Transporti urban në Tiranë në prag të paralizës
foto ilustruese

Nënkryetari i Këshillit Bashkiak të Tiranës Dorian Teliti ka reaguar në lidhje me braktisjen nga shteti dhe bashkia të sektorit të transportit publik.

Teliti shkruan ky sektor është në prag të krizës, pikërisht për shkak të braktisjes së bërë nga qeveria në këto momente krize.

“Ndërkohë që sot shoqatat e transportit publik paralajmëruan zyrtarisht ndërprerjen e shërbimit nga java e ardhshme, në mbledhjen e Këshillit Bashkiak të pak ditëve më parë mazhoranca socialiste refuzoi kërkesën time për të futur në rend dite diskutimin mbi: ‘menaxhimin e munguar të krizës në transportin urban të kryeqytetit’.

Realiteti është i qartë: shërbimi po shkon drejt kolapsit ekonomik dhe qytetarët po paguajnë koston e keqmenaxhimit dhe mungesës së vizionit.

Ndaj sot dy thirrje janë tejet të rëndësishme:

1. Qeveria të ulë urgjentisht taksimit mbi karburantin. Nuk mund të ketë transport publik të qëndrueshëm kur Shqipëria mban barrën fiskale më të lartë në rajon mbi naftën. Duhet një politikë fiskale lehtësuese që ul direkt koston e shërbimit, në mënyrë që kjo barrë të mos shkojë as te bileta e qytetarit dhe as te falimenti i linjave.

2. I bëj thirrje këshilltarëve socialistë të Kryeqytetit që të lënë mënjanë arrogancën e kartonave dhe të mblidhet urgjentisht Këshilli Bashkiak në seancë të jashtëzakonshme. Të bëhet transparencë e plotë mbi veprimtarinë, sfidat, nevojat e sektorit dhe të merren vendime kurajoze për mbështetje konkrete ndaj operatorëve të tregut. Transporti publik nuk është luks, por një e drejtë dhe nevojë jetike.

Nëse nuk reagojmë, transporti urban në Tiranë do shkojë shumë shpejt drejt kopalsit të plotë. Nuk mund të qeveriset kryeqyteti me ‘veshë të shurdhër’ ndaj alarmeve që bien çdo ditë!”, ka theksuar Teliti./ CNA





Lajmet e fundit nga