LEXO PA REKLAMA!

SHKARKO APP

Dhunimi i 22-vjeçares keniane/ Flet dëshmitarja: Joy-n kanë tentuar ta vrasin shoqet e saj

9 Nëntor 2022, 22:12, Aktualitet CNA
Dhunimi i 22-vjeçares keniane/ Flet dëshmitarja: Joy-n kanë
Vajza keniane, Joy

Një vajzë, që pretendon se ka qenë dëshmitare okulare, ka folur për dhunimin e 22-vjeçares keniane Joy, e cila u gjet në gusht pa ndjenja në Tiranë.

Dëshmitarja tha në emisionin “Pa Gjurmë” se e reja ishte dhunuar nga shoqet e saj bashkëkombase, me të cilat jetonte në Tiranë.

“Ajo ka qenë e shoqëruar, mendoj se janë vetë rrethi shoqëror i saj që e kanë bërë këtë gjë. Ato kishin të paktën tri apo katër ditë që rrinin në atë hotel dhe bënin zhurma çdo natë. Më ka dalë gjumi në orën 4 pa njëzetë sepse dëgjova zhurma dhe më pas një ‘bum’”, u shpreh ajo.

Vajza, e cila ka kërkuar të mbetet anonime, deklaroi se ka qenë pikërisht ajo që ka njoftuar ambulancën pasi shoqet e kenianes e kishin lënë të shtrirë gjatë gjithë natës.

“Vajza ka ndenjur gjithë natën aty, e shtrirë. Drita e dhomës në hotel ndenji e ndezur dhe sikur nuk kishte ndodhur asgjë u ngritën në mëngjes. Unë kam ndenjur në heshtje dhe të nesërmen kam dalë dhe kam lajmëruar ambulancën.

Trupin e asaj vajzës e kanë nxjerrë nga oborri i banesës sime. Unë mendova se ajo e shkreta mund të kishte ndërruar jetë, por kur e pashë në televizor u trondita.

Erdhi ambulanca, e morën pastaj kanë ardhur dy policë. Po të them një gjë sinqerisht, kjo zënkë ka ndodhur mes tyre dhe kam frikë se duhet mbrojtur prandaj mora iniciativën dhe iu shkruajta”, theksoi dëshmitarja./ B.A. – CNA.al

Lajmet e fundit nga