web counter
LEXO PA REKLAMA!

SHKARKO APP

App Store
Google Play

E fundit!

x

Gjebrea del në mbrojtje të protestës/ Gazetari i lindur në Himarë: Këtu s’ka asnjë komunitet grek

15 Gusht 2022, 20:12, Aktualitet CNA
Gjebrea del në mbrojtje të protestës/ Gazetari i lindur në
Moderatori Ardit Gjebrea

Moderatori Ardit Gjebrea doli sot në mbrojtje të protestës së zhvilluar në Himarë, ku u mbajtën fjalime në gjuhët shqipe dhe greke.

Por mbështetja e Gjebreas ndaj kësaj proteste është kundërshtuar nga kreu i Unionit të Gazetarëve Shqiptarë, Aleksandër Çipa, i cili është lindur në Himarë.

Ai i vë në dukje moderatorit faktin se protesta nuk është pritur keq për gjuhën greke, por për përdorimin politik të saj dhe të çështjes së pronave që grabiten dhe janë ende të pamenaxhuara nga shteti.

Çipa deklaron se në Himarë nuk ka pasur kurrë zyrtarisht minoritet grek, përjashto kohën e 20 viteve të fundit.

“Përshëndetje Ardit! E lexova me ëndje statusin tuaj. Për nga fryma ndaj të njëjtin mendim me ju. Specifikisht kam diçka të përkundërt. Së pari kur flet për protestën në Himarë, ankesa dhe çështja nuk është gjuha greke.

Është përdorimi politik përmes asaj gjuhe i Himarës dhe çështjes së pronave që grabiten dhe janë ende të pamenaxhuara nga shteti. Për shkak të kësaj, politika greke dhe subjektet e pakicës greke marrin shkas të akuzojnë Shqipërinë ndërkombëtarisht se po cënon të drejtat e minoritetit grek në një territor ku zyrtarisht nuk ka pasur kurrë minoritet grek, përjashto këtë kohën e 20 viteve të fundit. Dhe kjo nuk ka të bëjë me mospranimin e diversitetit.

Ndërsa diskutimi për shaminë është i ndarë mendoj unë, mes një orientimi të shëndetshëm dhe historik që ka pasur islami shqiptar kryesisht në më shumë se një shekull të fundit dhe rrymave të ndryshme që kanë ardhur përgjatë këtyre 30 viteve të fundit.

Ruajtja e tipareve dhe identitetit kombëtar të religjioneve është e shëndetshme për çdo shoqëri, aq më shumë për shoqëritë shqiptare të ndara në kaq shtete. Mendimtaria e muhamedanëve shqiptarë për këtë diskutim ka qenë me kohë e plotë e saktë, e mençur dhe drejtorientuese”, shkruan Çipa në rrjetet sociale./ B.A. – CNA.al





Lajmet e fundit nga