web counter
LEXO PA REKLAMA!

SHKARKO APP

App Store
Google Play

Humbja e madhe e Kristaq Dhamos/ Reagon Meta: La pas vlera të mëdha artistike

14 Gusht 2022, 21:12, Aktualitet CNA
Humbja e madhe e Kristaq Dhamos/ Reagon Meta: La pas vlera të mëdha
Ish-presidenti Ilir Meta

Ish-presidenti Ilir Meta ka reaguar për ndarjen nga jeta të regjisorit shqiptar, Kristaq Dhamo, në moshën 89-vjeçare.

Me anë të një statusi në rrjetet sociale, Meta shpreh ngushëllime për familjarët dhe miqtë e kineastit, ndërsa thekson se ai la trashëgimi shumë filma, me vlera të mëdha artistike.

Kreu i Partisë së Lirisë deklaron se Dhamo do të kujtohet në veçanti për meritat si udhëheqës artistik i Kinostudios ‘Shqipëria e Re’ dhe si pedagog.

“Me hidhërim mësova lajmin për ndarjen nga jeta të kineastit dhe regjisorit të filmit të parë artistik në historinë e kinematografisë shqiptare, "Nderit të Kombit", Kristaq Dhamo.

Mjeshtërisht ai la trashëgim shumë filma me vlera të mëdha artistike dhe karaktere të ndërtuara bukur, me të cilat kinematografia jonë është përfaqësuar denjësisht ndërkombëtarisht. Por në veçanti ai do të kujtohet me mirënjohje për meritat e mëdha si udhëheqës artistik i Kinostudios ‘Shqipëria e Re’ dhe si pedagog i një plejade regjisorësh të rinj të cilët sot ia dedikojnë pikërisht atij profesionin.

Falë talentit dhe punës plot pasion, megjithëse krijoi në një regjim plot kufizime, Kristaq Dhamo arriti të jepte mesazhe të përjetshme frymëzuese, njerëzore dhe sociale, përtej fasadave të rreme ideologjike, duke lënë pas vepra të çmuara dhe një kontribut të paharruar për kulturën dhe identitetin tonë kombëtar.

Ngushëllime të sinqerta familjes Dhamo, kolegëve dhe artdashësve për këtë humbje të madhe!”, shkruan Meta./ B.A. – CNA.al





Lajmet e fundit nga