web counter
LEXO PA REKLAMA!

SHKARKO APP

App Store
Google Play

E fundit!

x

"Oligarkët e oborrit të Ramës po grabisin pronat"/ Vangjel Dule dhe Fredi Beleri, protestë në Himarë

14 Gusht 2022, 21:39, Aktualitet CNA
"Oligarkët e oborrit të Ramës po grabisin pronat"/
Foto nga protesta

Kreu i PBDNJ-së Vangjel Dule dhe ai i OMONIA-s Fredi Beleri kanë zhvilluar mbrëmë një protestë kundër vendimit të fundit të qeverisë.

Dule dhe Beleri, së bashku me pronarë të shumtë himariotë të zonës së Porto Palermos dhe drejtues të organizatave të bregut, kanë kundërshtuar shpalljen si zonë të mbrojtur natyrore zonën nga Gjiri i Llamanit në hyrje të Qeparoit.

Ata pretendojnë se pas këtij vendimi fshihet një marrëveshje e fshehtë perspektive me oligarkët, të cilët po gllabërojnë me të gjitha format tokat e himariotëve.

Përfaqësuesit e minoritetit grek deklaruan se kanë nisur ankimimet në shumicën e ambasadave të huaja në vend dhe në gjykata, deri në atë të Strasburgut.

Sipas tyre, edhe autoritetet greke kanë bërë një ankesë për vendimin e Qeverisë.

Ndërkohë, Dule ka hedhur një sërë akuzash ndaj kryeministrit Edi Rama.

“Në Himarë është duke ju marrë prona banorëve të ligjshëm që t'ju jepet oligarkëve dhe biznesmenëve të oborrit të kryeministrit. Kjo zonë po grabitet në mënyrë sistematike, duke mos patur asnjë precedent tjetër në asnjë vënd të botës si po vidhet prona këtu.

Me këto që po ndodhin, Shqipëria nuk e meriton një status në BE”, u shpreh ai, teksa kërkoi të respektohet e drejta e pronës./ B.A. – CNA.al





Lajmet e fundit nga