web counter
LEXO PA REKLAMA!

SHKARKO APP

App Store
Google Play

E fundit!

x

Fitër Bajrami/ Bujar Spahiu: Festë që na kujton vlerat më të larta njerëzore, mëshirën, dashurinë, faljen

19 Mars 2026, 10:38, Aktualitet CNA

Fitër Bajrami/ Bujar Spahiu: Festë që na kujton vlerat më

Kreu i Komunitetit Mysliman të Shqipërisë, Bujar Spahiu, ka përcjellë mesazhin e tij në prag të festës së Fitër Bajramit, me përfundimin e muajit të shenjtë të Ramazanit.

Spahiu u shpreh se muaji i shenjtë i Ramazanit ishte një udhëtim shpirtëror i përkushtimit, sakrificës dhe afrimit me Zotin.

Përmes agjërimit, lutjeve dhe veprave të mira besimtarët forcuan besimin dhe ndjenjën e solidaritetit me njëri-tjetrin.

Fitër Bajrami është festa që na kujton vlerat më të larta njerëzore, mëshirën, dashurinë, faljen dhe ndihmën ndaj atyre që kanë nevojë.

“Të nderuar besimtarë myslimanë, të dashur qytetarë. Sot jemi në ditën e fundit të një muaji adhurimi, mëshire, faljeje e solidariteti. Nesër kemi festën e Fitër Bajramit. Kam nderin dhe kënaqësinë t'ju përcjell urimet më të sinqerta me rastin e kësaj feste të bukur.

Ramazani ishte një udhëtim shpirtëror i përkushtimit, sakrificës dhe afrimit me Zotin. Përmes agjërimit, lutjeve dhe veprave të mira ne forcuam besimin tonë dhe ndjenjën e solidaritetit me njëri-tjetrin. Fitër Bajrami është festa që na kujton vlerat më të larta njerëzore, mëshirën, dashurinë, faljen dhe ndihmën ndaj atyre që kanë nevojë.

Le të jetë kjo ditë një moment gëzimi, bashkimi dhe mirësie për çdo familje shqiptare. Në emër të Komunitetit Musliman të Shqipërisë, ju uroj nga zemra: Gëzuar Fitër Bajramin! Zoti e pranoftë agjërimin dhe lutjet tuaja dhe ju dhëntë paqe, shëndet dhe begati në familjet tuaja”, u shpreh Spahiu./ CNA





Lajmet e fundit nga