E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Meloni ul çmimin e naftës, Rama ka vetëm llafe!

19 Mars 2026, 08:36, Aktualitet CNA

Deputeti i Partisë Demokratike, Belind Këlliçi, ka reaguar lidhur me rritjen e çmimit të karburanteve në Shqipëri, duke krahasuar situatën në vend me masat e ndërmarra nga qeveria italiane.

Sipas Këlliçit, qeveria e kryeministres italiane Giorgia Meloni ka ndërhyrë konkretisht për të përballuar rritjen e çmimeve, duke ulur akcizën e karburantit, çka pritet të sjellë një ulje prej rreth 25 cent për litër. Ai theksoi se një masë e tillë, në kushtet e Shqipërisë, do të përkthehej në rreth 250 lekë për litër më pak.

Deputeti demokrat shtoi gjithashtu se në Itali janë marrë masa mbështetëse për kompanitë e transportit dhe furnizimit, me qëllim që të frenohet rritja e çmimeve të ushqimeve dhe shërbimeve.

Këlliçi akuzoi kryeministrin Edi Rama se nuk ka ndërmarrë asnjë hap konkret për të lehtësuar situatën në vend, pavarësisht mbledhjeve të qeverisë. Ai i cilësoi këto si diskutime pa rezultate konkrete.

Sipas tij, çmimi i naftës në Shqipëri ka arritur në disa raste mbi 2 mijë lekë për litër, ndërsa qeveria ka mundësi të ndërhyjë për të zbutur pasojat e krizës, por nuk e bën këtë.

Në përfundim, Këlliçi bëri thirrje për mobilizim qytetar kundër korrupsionit dhe padrejtësisë, duke ftuar qytetarët të bashkohen në një protestë më 22 mars, në orën 18:00.

“Qeveria e Melonit mori mbrëmë disa masa konkrete lidhur me rritjen e çmimit të karburanteve. Me uljen e akcizës, nafta atje do të zbresë 25 cent për litër. Në kushtet tona kjo do të ishte rreth 250 lek për litër. Po ashtu, një masë tjetër konkrete ishte lehtësimi dhe mbështetja për kompanitë e transportit dhe furnizimit të Italisë, në mënyrë që rritja e çmimit të naftës të mos ndikojë në rritjen e çmimit të ushqimeve apo shërbimeve.

Edi Rama mburret me raportet që ka me Melonin dhe e cilëson në publik si motrën e tij. Por kur vjen puna për të qeverisur, është shumë larg saj.

Këtu është mbledh dy-tre herë qeveria po nuk ka marrë asnjë masë. Thjesht kanë bërë muhabet live në ekran, mbi një orë. Por asnjë akt konkret.

Në media është raportuar që në disa raste, nafta në Shqipëri ka kaluar edhe 2 mijë lek litri.

Qeveria ka në dorë të zbusë pasojat e zhvillimeve ndërkombëtare dhe ka në dorë ta ulë çmimin e naftës. Por nuk ka prioritet qytetarët. Edi Rama përkundrazi e shijon këtë moment pasi sa më shumë paguajnë qytetarët, aq më shumë para shkojnë në arkën e tij, shuma pastaj që ai i tenderon dhe i shpërndan sipas dëshirës, interesave e trafikut të influencës.

Me 22 mars, në orën 18:00 duhet të bashkohemi, të luftojmë korrupsionin dhe padrejtësinë”, shkruan Këlliçi./CNA