web counter
LEXO PA REKLAMA!

SHKARKO APP

App Store
Google Play

GJKKO kalon për gjykim dosjen e Metës, Kryemadhit dhe të pandehurve të tjerë

18 Mars 2026, 11:29, Aktualitet CNA

GJKKO kalon për gjykim dosjen e Metës, Kryemadhit dhe të

Gjykata e Posaçme ka kaluar për gjykim dosjen për kreun e PL-së, Ilir Meta, ish-deputeten Monika Kryemadhi dhe të pandehurve të tjerë.

“Gjykata e themelit do të bëjë prokurorin dhe gjyqtarin. Nuk e kuptoj këtë veprim të gjykatës. Duhet të ngrihej në lartësinë e ligjit.

Sot ka përfunduar çështja ligjore, në themel fillon politika”, tha avokati Kujtim Cakrani.

Procesi gjyqësor ka zgjatur rreth 8 muaj, që nga momenti kur SPAK-u dorëzoi kërkesën për gjykim ndaj Metës dhe Kryemadhit për akuza të ndryshme, përfshirë korrupsion, pastrim parash dhe fshehje pasurie.

Ndër të pandehurit e tjerë janë Pirro Xhixho, babai i zëvendëspresidentes aktuale të PL-së, Erisa Xhixho, si dhe Ema Çoku dhe Fatime Kryemadhi, të akuzuara për pastrim parash.

Gjyqtarja e seancës paraprake, Irena Gjoka, mbylli shqyrtimin javën e kaluar, ndërsa mbrojtja ka kërkuar pushimin e çështjes ose rikthimin e saj për hetime të mëtejshme.

SPAK-u kishte mbyllur hetimet më 28 korrik të vitit të kaluar dhe çështjen e dërgoi në gjykatë në fund të gushtit. Dosja përfshin hetime të lidhura me çështjen "CEZ-DIA", lobimin e LSI-së në Shtetet e Bashkuara dhe pasurinë e të pandehurve.

Nga pesë të pandehurit, vetëm Ilir Meta ndodhet në burg që prej tetorit 2024. Të gjitha kërkesat e tij për ndryshim të masës së sigurisë janë rrëzuar./ CNA





Lajmet e fundit nga