E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

"Faturën e paguajnë banorët"/ Ura në Papër drej shembjes, analisti publikon pamjet

17 Mars 2026, 21:13, Aktualitet CNA

"Faturën e paguajnë banorët"/ Ura në Papër

Analisti Mentor Kikia ka ndarë në rrjetet sociale një video ku shihet një urë në gjendje të dergraduar, urë e cila mundëson qarkullimin e 4 fshtrave në njësinë administrative Papër në Elbasan.

Kikia shkruan se degradimi i urës ka ardhur për shkak të gërryerjes së përroit të Paprit nga kompanitë që ndërtojnë Korridorin 8.

Më tej, analisti thotë se kur kjo urë të shembet faturën do e paguajnë banorët e 4 fshatrave që lidh ura dhe thotë se nuk ka asnjë dokument ku tregon se është dhënë leje për gërryerjen e përroit të Paprit.

Reagimi i Kikisë

Kush do ta paguajë dëmin për këtë urë nesër?

Shikojeni këtë video!

Marrja e inerteve e ka ulur nivelin e këtij përroi me rreth 2 metra. Kjo urë modeste është e vetmja që mundëson qarkullimin e qindra banorëve nga 4 fshatra, në njësinë administrative Papër, në Elbasan.

Eshtë gati në të shembur!

Kompanitë që ndërtojnë Korridorin 8, e kanë gërryer shtratin e përroit të Paprit deri në shkatërrim.

Jashtë çdo kriteri, qeveria ka dhënë leje për shfrytëzimin e lumit Shkumbin, për llogari të kësaj rruge. Dy kompani, “Alb-Building” dhe “Salillari”, që po ndërtojnë segmentet Grykësh-Papër dhe Papër – Elbasan kanë marrë leje për marrjen e inerteve ne Shkumbin.

Por nuk ka asnjë dokument që të tregojë se është dhënë leje edhe për përroin e Paprit, një arterie shumë agresive në erozion, dhe që ka çuar në shkatërrimin e infratrukturës mbrojtëse dhe ujitëse në të dyja anët e përroit.

Kur të bjerë edhe kjo copë urë nesër, kush do ta paguajë koston? E sigurtë që do të bjerë, pasi shtrati i përroit vazhdon të gërryehet, në të gjithë gjatësinë.

Përrenjtë dhe lumenjtë nuk janë depozita zhavorri, ata janë “krijesa të gjalla” që hakmerren keq kur i shkatërron në këtë mënyrë.

Dhe faturën e paguajnë banorët lokalë.