web counter
LEXO PA REKLAMA!

SHKARKO APP

App Store
Google Play

E fundit!

x

Berisha: PD shpall Gardën Revolucionare të Iranit organizatë terroriste

17 Mars 2026, 11:14, Aktualitet CNA

Berisha: PD shpall Gardën Revolucionare të Iranit organizatë

Kreu i PD-së, Sali Berisha, ka deklaruar se Partia Demokratike shpall Gardën Revolucionare të Iranit si organizatë terroriste. Në reagimin e Berishës thuhet se PD e cilëson shtetin e Iranit si sponsorin kryesor të terrorizmit në botë dhe një kërcënim madhor për paqen dhe stabilitetin në Lindjen e Mesme dhe kudo në glob.

Ndër të tjera, PD dënon sulmet e Teheranit ndaj vendeve të Gjirit Persik, Arabisë Saudite, Emirateve të Bashkuara Arabe, Katarit, Kuvajtit, Bahrejnit dhe vendeve të tjera aleate të Shqipërisë. Gjithashtu mbështet përpjekjet e Izraelit dhe SHBA-së për përmbysjen e regjimit të Ajatollahëve të Iranit.

Postimi i plotë:

Partia Demokratike e Shqipërisë shpall Gardën Revolucionare të regjimit diktatorial të Teheranit si organizatë terroriste. Ajo e cilëson shtetin obskurantist të Ajatollahëve si sponsorin kryesor të terrorizmit në botë dhe një kërcënim madhor për paqen dhe stabilitetin në Lindjen e Mesme dhe kudo në glob.

Partia Demokratike e Shqipërisë dënon me forcën më të madhe sulmet e Teheranit ndaj vendeve të Gjirit Persik, Arabisë Saudite, Emirateve të Bashkuara Arabe, Katarit, Kuvajtit, Bahrejnit dhe vendeve të tjera mike të Shqipërisë dhe ju shpreh ketyre vendeve solidaritetin e saj të plotë.

Partia Demokratike mbështet përpjekjet e SHBA-së dhe Izraelit për përmbysjen e diktaturës mizore teokratike të Ajatollahëve dhe zëvendësimin e këtij regjimi me një qeveri të zgjedhur nga populli si një kontribut madhor për çlirimin e popullit iranian, si dhe për garantimin e paqes dhe stabilitetit në rajon e më gjerë. /CNA





Lajmet e fundit nga