web counter
LEXO PA REKLAMA!

SHKARKO APP

App Store
Google Play

E fundit!

x

Votimi i projektrezolutës kundër Iranit/ Balla: Lufta kundër terrorizmit, betejë për ruajtjen e paqes globale

17 Mars 2026, 10:18, Aktualitet CNA

Votimi i projektrezolutës kundër Iranit/ Balla: Lufta kundër

Ka nisur seanca plenare e ditës së sotme në Kuvend ku në rendin e ditës përfshihet votimi i një rezolute për shpalljen e Iranit si shtet që mbështet terrorizmin.

Kreu i Grupit Parlamentar të PS-së, Taulant Balla, u shpreh se lufta kundër terrorizmit është betejë për ruajtjen e paqes dhe stabilitetit global. Ndër të tjera, ai tha se vetë Shqipëria ka qenë shënjestër e disa sulmeve kibernetike nga Irani dhe shtoi se kjo rezolutë synon të adresojë pikërisht këtë realitet.

“Sot Kuvendi është ftuar të diskutojë dhe miratojë një rezolutë të propozuar nga Grupi Parlamentar i PS-së e cila lidhet me çështjet më të rëndësishme të sigurisë globale. Terrorizmi nuk është vetëm akt dhune, është strategji e qëllimshme për destabilizimin e rendit demokratik. Ai godet civilët dhe parimet demokratike. Lufta kundër terrorizmit nuk është vetëm çështje sigurie. Është betejë për ruajtjen e paqes dhe stabilitetit ndërkombëtar. Shqipëria ka zgjedhur gjithmonë tët jetë në krah të rregullit ndërkombëtar. Si anëtare e NATO-s, Shqipëria ka detyrim të kontribuojë në rendin dhe sigurinë ndërkombëtare.

Për Shqipërinë nuk është vetëm çështje gjeopolitike. Sulmi i ndodhur në 2022 ndaj institucioneve të Republikës së Shqipërisë ishte një nga sulmet ndaj një vendi sovran. Pak ditë më parë Kuvendi ishte shënjestra e një sulmi kibernetik. Këto janë akte të mirëfillta armiqësore që synojnë funksionimin normal të shtetit. Rezoluta synon të adresojë pikërisht këtë realitet. Rezoluta i bën thirrje qeverisë të shpallë Gardën Revolucionarë të Iranit dhe Hezbollahun si organizatë terroriste. SHBA e shpalli disa vite më parë dhe gjithashtu këtë e ka bërë dhe Bashkimi Europian”, tha Balla. /CNA





Lajmet e fundit nga