web counter
LEXO PA REKLAMA!

SHKARKO APP

App Store
Google Play

E fundit!

x

Masakër në lumin Shkumbin/ Ura e Mirakës rrezikon shembjen

16 Mars 2026, 11:57, Aktualitet CNA

Masakër në lumin Shkumbin/ Ura e Mirakës rrezikon shembjen

Deputeti i Partisë Demokratike, Blendi Himçi, ka denoncuar një masakër në lumin Shkumbin, që rrezikon, sipas tij, edhe shembjen e urës së Mirakës.

Në postimin e tij në rrjetet sociale, Himçi shprehet se një firmë që po ndërton rrugët ka marrë inertet nga lumi Shkumbin duke nxjerrë këmbët e urës dhe duke e lënë atë në prag të shembjes.

Deputeti thotë se institucionet heshtin ndërsa lumi Shkumbin humbet çdo ditë ekosistemin e tij. Ndër të tjera, ai shprehet se shembja e kësaj ure shkëput të gjithë banorët e Njësisë Administrative Polis nga pjesa tjetër e zonës.

“Ura e Mirakës në rrezik! Firma që po ndërton rrugët ka marrë inertet nga lumi Shkumbin duke nxjerrë këmbët e urës dhe duke e lënë atë në prag të shembjes. Ky është modeli klasik i rrugëve të ndërtuara me korrupsion, ku interesat private shkatërrojnë pasurinë publike dhe rrezikojnë jetën e banorëve. Institucionet heshtin, duke treguar një papërgjegjshmëri të pafalshme. Ndërkohë lumi Shkumbin po masakrohet çdo ditë, duke humbur bukurinë dhe ekosistemin e tij. Shembja e kësaj ure do të shkëpusë të gjithë banorët e Njësisë Administrative Polis nga pjesa tjetër e zonës. Deri kur do të vazhdojë kjo situatë? Deri kur do të lejojmë që korrupsioni dhe papërgjegjshmëria të shkatërrojnë jetën tonë?”, thuhet në postimin e tij. /CNA





Lajmet e fundit nga