web counter
LEXO PA REKLAMA!

SHKARKO APP

App Store
Google Play

Deklaratat e Vuçiç/ Milanoviç: Budallallëk të thuash që Shqipëria, Kroacia dhe Kosova do të sulmojnë Serbinë

15 Mars 2026, 20:58, Aktualitet CNA

Deklaratat e Vuçiç/ Milanoviç: Budallallëk të

Pas kryeministrit Andrej Plenkoviç, lidhur me deklaratat e liderit serb Aleksandër Vuçiç ka reaguar edhe presidenti i Kroacisë, Zoran Milanoviç. Gjatë një prononcimi për gazetarët në Zagreb ai i cilësoi si të pazakonta deklaratat e Vuçiçit.

Milanoviç u shpreh se ai kishte shpjeguar edhe më herët presidentit serb se memorandumi për bashkëpunim ushtarak midis Kroacisë, Shqipërisë dhe Kosovës nuk është një aleancë ushtarake.

“E kam paralajmëruar një herë se çdo memorandum midis Kroacisë, Shqipërisë dhe Kosovës për bashkëpunim në fushën ushtarake i nënshkruar nga ministri nuk është një aleancë ushtarake”, tha presidenti.

Lidhur me pretendimin e Vuçiçit se Kroacia, Kosova dhe Shqipëria po planifikojnë një sulm ndaj Serbisë, Milanoviç tha se ky është "një budallallëk".

“Dy ditë më parë ka folur për planin e Kroacisë, Kosovës dhe Shqipërisë për të sulmuar Serbinë. Ai është një njeri mjaft interesant. Si duhet të sulmojmë? Me çfarë? Ne nuk kemi ushtri për këtë. Mund të më besoni fjalën time, në fund të fundit, unë vendos për këtë. Kjo nuk është mirë ta dëgjosh, përveç faktit se është budallallëk”, tha Milanoviç.

Presidenti serb Aleksandar Vuçiç tha se Beogradi po monitoron nga afër bashkëpunimin ushtarak midis Kroacisë, Shqipërisë dhe Kosovës, duke pretenduar se Serbia po përgatitet për të përballuar një sulm të mundshëm. /CNA





Lajmet e fundit nga